تۇركيادا كوروناۆيرۋستىڭ تارالۋىنا قارسى كۇرەس اياسىندا 29 ساۋىردە ەنگىزگەن تولىق لوكداۋن 24 مامىردا اياقتالدى, دەپ حابارلايدى Egemen.kz.
ەندى ازاماتتارعا جۇمىستان تىس ۋاقىتتا اۆتوبۋستار مەن پويىزدار سياقتى قوعامدىق كولىكتەرمەن 50% جۇكتەمەمەن جۇرۋگە رۇسات بەرىلەدى. ال كامەلەتكە تولماعان جاسوسپىرىمدەر مەن جاسى 65-تەن اسقان قارتتاردىڭ ۇيدەن شىعۋىنا تىيىم سالىنعان.
چەحياداعى مەيرامحانالار, ءدامحانالار مەن بارلار 24 مامىردان باستاپ جارتى جىلعا جۋىق ءماجبۇرلى ۇزىلىستەن كەيىن تەرراسسالارىندا قوناقتارعا قىزمەت كورسەتۋدى قايتا باستادى. اكىمشىلىك پەن قىزمەت كورسەتۋشى پەرسونال سانيتارلىق-ەپيدەميولوگيالىق قاۋىپسىزدىك نورمالارىنىڭ بارىنشا ساقتالۋىن قامتاماسىز ەتۋى ءتيىس. مۇنى پوليتسيا قىزمەتكەرلەرى باقىلايدى.
انگليادا كوروناۆيرۋستىق ينفەكتسياعا قارسى شەكتەۋلەردى الىپ تاستاۋدىڭ جاڭا كەزەڭى باستالدى. ۇلىبريتانيادا ۇكىمەت جوسپارلاعانداي, دۇيسەنبىدەن باستاپ كارانتين كەزىندە ەنگىزىلگەن كەيبىر شەكتەۋلەر الىنىپ تاستالادى.