وسكەمەن قالاسىندا ءورت شىققان كوپقاباتتى ۇيدەن 1 تۇرعىن قۇتقارىلىپ, 6 ادام ەۆاكۋاتسيالاندى, دەپ حابارلايدى Egemen.kz.
شقو توتەنشە جاعدايلار دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, 26 مامىردا جاڭا-احمەر كەنتىندە ورنالاسقان بەسقاباتتى تۇرعىن ۇيدەگى پاتەرلەردىڭ بىرىندە ءورت شىققان. وقيعا ورنىنا دەرەۋ جەتكەن ءورت سوندىرۋشىلەر تۇرعىنداردى ەۆاكۋاتسيالاۋعا كىرىستى.
«تۇرعىن ۇيدەن 1 ادام قۇتقارىلىپ, 6 ازامات ەۆاكۋاتسيالاندى. انىقتالعانداي, بەسىنشى قاباتتاعى پاتەردە جيھاز, جەكە زاتتار مەن تۇرمىستىق تەحنيكا جانعان. كوپ ۇزاماي ءورت سوندىرۋشىلەر جالپى اۋدانى 20 شارشى مەتردى قۇراعان ءتىلسىز جاۋدى اۋىزدىقتادى», دەپ حابارلادى ۆەدومستۆو وكىلدەرى.
قىزىل جالىندى وشىرۋگە جەكە قۇرامنان 22 ادام مەن 7 تەحنيكا جۇمىلدىرىلعان. ءورتتىڭ شىعۋ سەبەبى انىقتالۋدا.