ونلاين بريفينگىدە اقمولا وبلىسى تجد باستىعى نۇرلان اتىعاەۆ وڭىردەگى كوپقاباتتى ۇيلەردىڭ تەرەزەلەرىنەن جاس بالالاردىڭ قۇلاپ كەتۋىنە جانە ولاردىڭ اۋىر جاراقات الۋىنا نەمەسە ءتىپتى ولىمىنە اكەپ سوققان وقيعالاردىڭ نەگىزگى سەبەبى اتا-انالاردىڭ نەمقۇرايدىلىعى جانە جاس بالالاردى قاراۋسىز قالدىرۋىنان كەلەڭسىز جايتتارعا تاپ بولىپ جاتقانىن ايتتى, دەپ حابارلايدى Egemen.kz
نۇرلان اتىعاەۆ جىل سايىن كۇننىڭ جىلۋىمەن وبلىستا كوپ قاباتتى ۇيلەردىڭ تەرەزەلەرىنەن ەكى جاستان التى جاسقا دەيىنگى بالالاردىڭ قۇلاپ كەتۋىنە بايلانىستى جازاتايىم وقيعالاردىڭ سانى ارتىپ كەلە جاتقانىن باسا ايتتى.
ماسەلەن, بيىلعى جىلدىڭ بەس ايىندا اقمولا وبلىسى بويىنشا كوپقاباتتى ۇيلەردىڭ تەرەزەلەرىنەن جاس بالالاردىڭ قۇلاپ كەتۋىنىڭ ءتورت جاعدايى تىركەلدى, ونىڭ ىشىندە وتكەن اپتادا عانا ءۇش وقيعا ورىن الدى.
«بۇگىندە ءۇش بالا اۋرۋحانادان شىعارىلىپ, ۇيدە جاتىر, ولاردىڭ جاعدايى تۇراقتى. ماسەلەن, 14 مامىردا كوكشەتاۋ قالاسىندا بالا ولىمىمەن اياقتالعان ءبىر وقيعا تىركەلدى. بارلىق جازاتايىم وقيعالاردىڭ نەگىزگى سەبەبى اتا-انالاردىڭ قاراپايىم نەمقۇرايلىلىعى, اتاپ ايتقاندا, جاس بالالاردى قاراۋسىز قالدىرۋ, جاقىن ماڭداعى ەرەسەكتەردىڭ ۇقىپسىزدىعى بولىپ تابىلادى», دەپ اتاپ ءوتتى ن.اتىعاەۆ.