تۇركىستان وبلىسى تۇلكىباس اۋدانىندا ۇشەم دۇنيەگە كەلدى. 37 جاستاعى نازيپا يانگيباەۆا № 1 وبلىستىق پەريناتالدىق ورتالىعىندا ەكى قىز بەن ءبىر ۇل بوساندى, دەپ حابارلايدى Egemen.kz.
وبلىس اكىمى ءباسپاسوز قىزمەتىنىڭ مالىمەتىنشە, جاڭا تۋعان نارەستەلەرگە ادەمى, يسلام, ساميرا ەسىمدەرى بەرىلگەن.
مەرزىمىنەن ەرتە تۋعان ۇشەم پەرەنيتالدىق ورتالىق دارىگەرلەرىنىڭ باقىلاۋىنا الىنعان.
بۇگىندە مەديتسينا قىزمەتكەرلەرىنىڭ كومەگىمەن سابيلەر سالماق قوسىپ, دەنساۋلىق جاعدايى جاقسارىپ كەلەدى. ازىرگە ۇشەمنىڭ اۋرۋحانادان قاشان شىعاتىنى بەلگىسىز.
ايتا كەتسەك, ۇشەم دۇنيەگە كەلگەن وتباسىنىڭ ءبىر ۇلى مەن ەكى قىزى بار. كوپبالالى انا - ءۇي شارۋاسىندا وتىرعان ايەل. ال, وتاعاسى كولىك جۇرگىزۋشىسى بولىپ جۇمىس ىستەيدى.
بىلتىر № 1 وبلىستىق پەريناتالدىق ورتالىعىندا 8746 ءسابي دۇنيگە كەلدى. جىل باسىنان بەرى 3108 نارەستە تۋعان. ونىڭ 72 - ەگىزدەر بولسا, ەكەۋى - ۇشەم. ورتالىق دارىگەرلەرى ءار جىل سايىن جۇزدەگەن شالا تۋعان نارەستەلەردىڭ ءومىرىن ساقتاپ كەلەدى.