اتىراۋ وبلىسىندا ءبىر ايەل ءوز كولىگىنىڭ استىنا ءتۇسىپ قايتىس بولدى, دەپ حابارلايدى Egemen.kz.
اتىراۋ-يندەر تاس جولىندا كىسى ولىمىنە اكەپ سوققان جول اپاتى بولدى. گازەل جۇرگىزۋشىسى ايەلىمەن بىرگە كەلە جاتقاندا كولىكتىڭ ءىشىن قويۋ ءتۇتىن باسقان.
«ەر ادام ءجۇرىپ كەلە جاتقان كولىكتەن ايەلىنە سەكىرۋگە كەڭەس بەرەدى. 52 جاستاعى ايەل كوپ ويلانباستان كولىكتەن سەكىرگەنىمەن, ول دوڭعالاقتىڭ استىنا ءتۇسىپ مەرت بولدى», دەپ مالىمدەدى وبلىستىق پد ءباسپاسوز قىزمەتى.
قازىرگى كۇنى تەرگەۋ شارالارى جۇرگىزىلىپ جاتىر.