كاسپي تەڭىزىنىڭ جاعالاۋىندا ورتەنگەن قامىس ءالى جانىپ جاتىر. ءورت سوندىرۋشىلەر ءۇش كۇننەن بەرى قامىس ءورتىن سوندىرە الار ەمەس, دەپ حابارلايدى Egemen.kz.
وبلىستىق توتەنشە جاعدايلار دەپارتامەنتى ءباسپاسوز قىزمەتىنىڭ اقپاراتىنا قاراعاندا, تەڭىز جاعالاۋى باتپاقتى ءارى مۇندا وسىمدىكتەر تىم بيىك وسكەن. بۇل قامىس ءورتىن ءسوندىرۋدى قيىنداتىپ تۇر.
«قامىس ءورتىن سوندىرۋگە اتىراۋ قالالىق ءورت ءسوندىرۋ بولىمشەلەرىنەن 7 ارنايى اۆتوتەحنيكا جۇمىلدىرىلدى. ال, 35 قىزمەتكەر ءورت وشاقتارىن اسپالى ءورت سوندىرگىشتەر مەن موتوپومپالاردىڭ كومەگىمەن سوندىرۋدە. تەڭىز جاعالاۋىنداعى قامىس ورتىنە جەردەن جانە اۋەدەن بارلاۋ ارقىلى مونيتورينگ جۇرگىزىلۋدە. جاعالاۋدان ۇزدىكسىز بايلانىس ورناتۋ ءۇشىن ءورت بولعان اۋماقتا شتاب ورنالاستىرىلدى. ءورتتىڭ سەبەبى مەن اۋدانى انىقتالىپ جاتىر» دەپ حابارلادى دەپارتامەنتتىڭ ءباسپاسوز قىزمەتى.