نۇر-سۇلتان قالاسىنىڭ قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى ءاليا رۇستەموۆا «شەتەلدە ۆاكتسينا العان ادامعا قازاقستاندا ۆاكتسينالاۋ پاسپورتى بەرىلە مە؟» دەگەن ساۋالعا جاۋاپ بەردى, دەپ حابارلايدى Egemen.kz.
«ەگەر قازاقستاننان باسقا ەلدە ەكپە الساڭىز, ۆاكتسينالاۋ پاسپورتىن سول ەلدەن باسقا جەردەن الا المايسىز», دەپ جاۋاپ بەردى ءاليا رۇستەموۆا.
باسقارما وكىلىنىڭ ايتۋىنشا, ول ۆاكتسينالاۋ پاسپورتى مەديتسينالىق ۇيىمدارداعى اقپاراتتىق جۇيەلەرمەن بىرىكتىرىلگەن eGov ءموبيلدى قوسىمشاسىندا جاسالاتىنىن ەسكە سالدى.
«ناۋقاس ۆاكتسينا اۋلعا كەلگەن ساتتەن باستاپ ەكىنشى كومپونەتتى سالعىزعان كەزگە دەيىنگى ارەكەتتىڭ ءبارى اقپاراتتىق جۇيەگە ەنگىزىلىپ, اۆتوماتتى تۇردە eGov-تا ۆاكتسينالاۋ پاسپورتى قالىپتاسادى. وندا ۆاكتسينانى العان مەديتسينالىق ۇيىم, دارىگەردىڭ دەرەكتەرى, سەرياعا دەيىن جانە قانداي ۆاكتسينا الىنعانى ناقتى جازىلعان. سوندىقتان شەتەلدە ۆاكتسينا العانداردىڭ قازاقستاندا تولقۇجات الۋى مۇمكىن ەمەس», دەپ ءتۇسىندىردى ءاليا رۇستەموۆا.