تۋرسەكتوردىڭ قۇزىرەتىن ارتتىرۋعا نيەتتى

جاقىندا Kazakh Tourism ۇلت­تىق كومپانياسى مەن Mental HR Consultancy تۇرىك كومپانيا­سى سالانىڭ كاسىبي ماماندارىن دايارلاۋ جانە ەڭبەك رە­سۋرس­تارىنىڭ باسەكەگە قابى­لەت­تى­لىگىن ارتتىرۋ ماسەلەلەرى بو­يىن­شا ىنتىماقتاستىق تۋرالى مە­موراندۋمعا قول قويدى. «نارىقتا بىلىكتى كادرلار تاپ­شى­لىعى ورىن السا, اسىرەسە كا­سىبي دايىندالعان جەلىلىك قىز­مەتكەرلەر بولماعان كەزدە, ءتۋ­ريزمدى ساپالى دامىتۋ مۇمكىن ەمەس», دەدى ۇلتتىق كوم­پانيانىڭ باس­قارما توراعاسى ەرجان ەركىنباەۆ.

ءتۋريزمدى قارقىندى دامىتۋ ءۇشىن ەكى نەگىزگى قۇرامداس بولىك بار. ءبىرىنشىسى – ينفراقۇرىلىم مەن كوممۋنيكاتسيا. 2019 جىلى قابىلدانعان تۋريستىك سالانى دامىتۋعا ارنالعان مەملەكەتتىك باعدارلاما اياسىندا بۇگىنگە دەيىن جالپى سوماسى 61,1 ملرد تەڭگە قۇرايتىن 55 جوبا ىسكە اسىرىلدى. ەكىنشىسى – سالانىڭ قۇزىرەتى. مەملەكەت تاراپىنان مادەنيەت جانە سپورت مينيسترلىگى كادرلىق الەۋەتتى دامىتۋ ماسەلەلەرىنە ۇلكەن كوڭىل ءبولىپ كەلەدى. ما­مان­دار دايارلايتىن العاشقى بەيىن­دىك حالىقارالىق تۋريزم جانە قوناقجايلىق ۋنيۆەرسيتەتى اشىلعانى بەلگىلى.

«بىلتىر قولعا العان academy.tourismonline.kz جوباسى ءوزىنىڭ تيىمدىلىگىن دالەلدەگەنىن اتاپ وت­كىم كەلەدى. تۋريزم سالاسى تۋرالى ونلاين ءدارىس العىسى كەلەتىن كەز كەلگەن ادام ساپالى تەوريالىق دايىندىقتان وتە الادى. بيىل ءبىز كاسىبي سپيكەرلەردى كوپتەپ تارتا وتىرىپ, جاڭا وقىتۋ مودۋلدە­رىن جاساۋدى جالعاستىرامىز. سونداي-اق وسى جىلى ءبىز وڭىرلىك وقۋ ورىندارىنىڭ بازاسىندا ماڭعىستاۋ تۋريزم سالاسى ءۇشىن جەرگىلىكتى تۇرعىندار قاتارىنان جەلىلىك 1500 ادامدى وقىتۋ بويىنشا سىنامالى جوبانى ىسكە اسىرۋدى جوسپارلاپ وتىرمىز», دەدى ەرجان ەركىنباەۆ.

Mental HR Consultancy تۇ­رىك كومپانياسى بيزنەس سۋ­بەك­­تىلەرى مەن قازاقستان رەسپۋب­لي­كاسىنىڭ مەملەكەتتىك ور­گان­­دارىنىڭ جەلىلىك جانە باس­قارۋ قىزمەتكەرلەرىن وقىتۋ ماسە­لە­لەرىنەن باسقا, ينۆەستيتسيالار تارتۋ جانە تۋريستىك سەكتوردى تسيفر­لاندىرۋ سياقتى باعىتتار بويىنشا جۇمىس ىستەيدى.