«ەۋرازيالىق بانك» اق-نىڭ 2020 جىلعى شوعىرلاندىرىلعان پايداسى رەسەيدەگى ەنشىلەس بانكتى ساتۋدان تۇسكەن 2,1 ميلليارد تەڭگە بولاتىن بىرجولعى شىعىندى ەسكەرە وتىرىپ, 4,5 ميلليارد تەڭگەدەن 6,8 ميلليارد تەڭگەگە دەيىن ءوستى. شوعىرلاندىرىلعان اكتيۆتەر 13%-عا 1,2 تريلليون تەڭگەگە دەيىن ءوستى. كاپيتال 10%-عا 109 ميلليارد تەڭگەگە دەيىن ءوستى.
بانك حالىقارالىق اۋديت كەزىندە راستالعان قارجىلىق ەسەپتىلىكتى جاريالادى. رەسەيدەگى ەنشىلەس بانكتى ساتۋ جونىندەگى مامىلەنى ەسەپكە الماعاندا, بانكتىڭ 2020 جىلعى كۇندەلىكتى قىزمەت ناتيجەسىندە العان پايداسى الدىڭعى جىلعى ۇقساس كورسەتكىشپەن سالىستىرعاندا ەكى ەسە ءوستى.
«2020 جىلعى قارجى قورىتىندىلارى بۇكىل الەم ءۇشىن كۇتپەگەن سوققى بولعان پاندەميا جاعدايىندا بانكتىڭ بيزنەس مودەلىنىڭ تۇراقتى بولعانىن دالەلدەيدى. اكتسيونەرلەر اتىنان اينىماس جانە بىزگە باعالى سەنىمى ءۇشىن كليەنتتەرىمىزگە, سونداي-اق ۇزدىك ناتيجە كورسەتكەن كومانداعا العىس ايتقىم كەلەدى. وسى ءبىر قيىن جىلى كوماندانى نىعايتۋعا جانە تەحنولوگيالىق قايتا جاراقتاندىرۋعا سالىنعان ينۆەستيتسيالار بىزگە بولاشاققا سەنىممەن قاراۋعا مۇمكىندىك بەرەدى!», – دەدى بانكتىڭ ديرەكتورلار كەڭەسىنىڭ توراعاسى الەكساندر ماشكەۆيچ.
«ەۋرازيالىق بانك» اق توبىنا بانكتەن باسقا «ەۋرازيالىق جوبا-1» جشس جانە «ەۋرازيالىق جوبا-2» جشس ەنشىلەس كاسىپورىندارى كىرەدى. «ەۋرازيالىق بانك» اق ەنشىلەس بانكىن ساتۋ جونىندەگى مامىلە (ماسكەۋ ق.) 2020 جىلدىڭ 29 جەلتوقسانىندا ىسكە اسىرىلدى. «ەۋرازيالىق قارجى كومپانياسى» اق بانكتىڭ باس كومپانياسى بولىپ تابىلادى جانە بانك اكتسيالارىنىڭ 100%-نا يە.
«ەۋرازيالىق بانك» اق PR-قىزمەتى