وبلىستىق پوليتسيا دەپارتامەنتى ءباسپاسوز قىزمەتىنىڭ اقپاراتىنا قاراعاندا, قىزىلوردا وبلىسىنىڭ تۇرعىنى «تەڭىز كەنىشىنە جۇمىسقا ورنالاستىرامىن» دەپ 60-قا جۋىق ادامنىڭ اقشاسىن الداپ العان, دەپ حابارلايدى Egemen.kz.
«جۇمىس ىزدەپ, اقشاسىنان قاعىلعان تۇرعىندار العاشقىدا جالعان كەلىسىمشارت جاساعانىن بىلمەگەن. سەبەبى, الاياقتىق قىلمىس ەگجەي-تەگجەيلى ۇيىمداستىرىلعان. ونىڭ دالەلى – جاسالعان تولەمدەرگە بەرىلگەن تۇبىرتەكتەر. 39 جاستاعى الاياق ازاماتتاردىڭ 50 ميلليوننان استام تەڭگەسىن قالتاسىنا باسقان. الدانعانداردىڭ اراسىندا اتىراۋلىقتاردان بولەك قىزىلوردا, تۇركىستان, اقتوبە وبلىستارىنىڭ تۇرعىندارى دا بار», دەدى وبلىستىق پوليتسيا دەپارتامەنتىنىڭ باستىعى قامزا ۇمبەتقاليەۆ.
ونىڭ ايتۋىنشا, الاياقتىق ارەكەتكە بارعان كۇدىكتى باستاپقىدا «Talapker & Company» جشس-ءى ارقىلى جۇمىس ىزدەپ كەلگەن ازاماتتارعا لايىقتى كەڭسە ىزدەگەن. ءسويتىپ, قۇلسارى قالاسىنىڭ ورتالىق ىقشام اۋدانىنان كەڭسەنى جالعا العان. وسىلايشا, ءوزىنىڭ قىلمىستىق پيعىلىن جۇزەگە اسىرۋ ءۇشىن بىرنەشە قىزمەتكەردى ەشقانداي كەلىسىمشارتسىز جۇمىسقا الىپ, ولارعا قولما-قول جالاقى تولەپ وتىرعان.
«ازاماتتارمەن تىكەلەي قارىم-قاتىناس ورناتۋ ءۇشىن 47 جانە 29 جاستاعى ەكى تانىسىن پايدالانعان. كەلىسىمشارت ۇلگىلەرىن كورسەتىپ, ەكەۋىنە ءار تاپقان ادامى ءۇشىن اقشا بەرەتىنە سەندىرگەن. جۇمىسقا ورنالاسۋ اقىسى 150 000-450 000 تەڭگە ارالىعىن قۇراعان. «تalapker&Company» جشس-ءنىڭ اتقارۋشى باسشىسى الاياقتىق ارەكەتى ءۇشىن سوت ۇكىمىمەن 3 جىل 6 اي مەرزىمگە باس بوستاندىعىنان ايىرىلدى», دەيدى قامزا ۇمبەتقاليەۆ.