«سق فارماتسيا» ءىسى: ادۆوكاتتار بەرىك ءشارىپتى ءۇي قاماعىنا اۋىستىرۋدى سۇرادى

ەلورداداعى ەسىل اۋداندىق سوتىندا مەكەمەنىڭ ەكس-باسشىسى بەرىك شارىپكە قاتىستى سوت وتىرىسى جالعاسىپ جاتىر. بۇعان دەيىن حابارلاعانداي, وعان قر قك 361-بابى (لاۋازىمدىق وكىلەتتىكتەرىن تەرىس پايدالانۋ), 4-بولىگى, 3-تارماعىنىڭ جانە 287-باپتىڭ (قارۋدى, وق-دارىلەردى, جارىلعىش زاتتاردى جانە جارىلعىش قۇرىلعىلاردى زاڭسىز ساتىپ الۋ, بەرۋ, وتكىزۋ, ساقتاۋ, تاسىمالداۋ نەمەسە الىپ ءجۇرۋ) 2-تارماعى بويىنشا ايىپ تاعىلىپ وتىر. 

«كەشە 18 مامىردا تەرگەۋ يزولياتورىنىڭ عيماراتىنا كىرۋگە رۇقسات بەرگەن حاتىڭىزعا سايكەس, ادۆوكاتتار بارعان ەدىك. الايدا, ءبىز ءوز قورعالۋشىمىزبەن تىلدەسە المادىق. سونىمەن بىرگە ەپيدەميالىق احۋال بويىنشا نۇر-سۇلتان قالاسى «قىزىل» ايماققا قايتا وتكەندىكتەن, Skype پلاتفورماسى ارقىلى سويلەسۋگە ۋاقىت بەرىلدى. مۇندا دا, بىزگە بەرىلگەن ۋاقىتتىڭ تىعىزدىعىنا بايلانىستى قورعالۋشىممەن سويلەسۋگە مۇمكىندىك بولمادى. بىزگە 15 مينۋت بەرىلسە دە, ول ازدىق ەتەدى. وعان قوسا, قۇجاتتاردى تاپسىرا الماي, ونلاين جەلىدە حابارلاسۋعا ءماجبۇرمىز», دەيدى ب.ءشارىپ ادۆوكاتتارىنىڭ ءبىرى باۋىرجان بيباتىروۆ. 

وسى ورايدا ادۆوكات ەلدىڭ كونستيتۋتسيالىق نورماسىنا سايكەس ءار ازامات بىلىكتى زاڭ كومەگىنە جۇگىنۋگە قۇقى بار ەكەنىن ەسكە سالدى.

«جوعارىدا ايتىلعان تالاپ-ارىزداردى ەسكەرە وتىرىپ, بۇلتارتپاۋ شاراسىن نەعۇرلىم جۇمساق بولعانىن, ءارى ۇيقاماققا الۋ تۋرالى ءوتىنىشتى نەگىزگە الۋىڭىزدى سۇرايمىن. ول ءۇي قاماۋىندا وتىرىپ, ۇيدەن شىعۋعا شەكتەۋ قويىلعانىن جانە باسقا دا ماسەلەلەر بار ەكەنىن بىلەدى. سونداي-اق قورعالۋشىمىز بۇگىنگى تاڭدا «سق فارماتسيا» جشس-دا جۇمىس ىستەمەيتىندىكتەن, سوتتىڭ تەرگەۋ بارىسىنا ەش ارالاسا المايتىندىعىن العا تارتامىز. سوندىقتان بۇلتارتپاۋ شاراسىن ءۇي قاماعىنا وزگەرتۋ ءۇشىن بارلىق نەگىز بار دەپ ەسەپتەيمىن», دەدى ادۆوكات.

ادۆوكاتتىڭ بۇل نەگىزدەمەسىنە باسقا دا قورعاۋشىلار قوسىلىپ, ونىڭ كۋاگەرلەرگە قانداي دا ءبىر قىسىم كورسەتە المايتىندىعىن باسا ايتتى. دەسە دە, پروكۋرور مالىمدەمەسى ادۆوكاتتاردىڭ پىكىرىنە كەراعار. ونىڭ ايتۋىنشا, 26 ساۋىردەن باستاپ نەگىزگى سوت ۇدەرىسى ءجۇرىپ جاتقانىن جانە ەشكىم بايلانىسقا شاعىمدانباعانىن جەتكىزدى.

«بايلانىس بىرقالىپتى بولدى. تەرگەۋ يزولياتورلارىندا كەزدەسۋلەرگە ەشكىم تىيىم سالعان جوق. ءسىز Skype ارقىلى ماسەلەلەردى تالقىلاي الاسىز. وسىعان بايلانىستى ءوتىنىشتى وزگەرىسسىز قالدىرۋ كەرەك دەپ سانايمىن», دەدى پروكۋرور.

سۋديا قانات دۇيسەمبيەۆ تاراپتاردى تىڭداپ بولعان سوڭ, ادۆوكاتتان نە سەبەپتى قورعالۋشىسىمەن بايلانىسقا شىعا الماعانىن قاعاز جۇزىندە ءتۇسىندىرۋدى سۇرادى.

«قۇرمەتتى قورعاۋشى تاراپ, ب.شارىپكە قاتىستى الدىن الۋ شارالارىن وزگەرتۋ قازىرگى ۋاقىتتا قاراستىرىلىپ جاتىر. سوت ءوز شەشىمىن ماقۇلداپ قويدى. دەگەنمەن, سوت تەك بەلگىلى سەبەپتەردە عانا, ياعني اۋىرىپ قالعاندا نەمەسە باسقا دا نەگىزگى سەبەپتەرى بولعان جاعدايدا عانا تالاپ-ارىزدارىڭىزدى قابىلداي الادى. ەندىگى كەزەكتە اتالعان ماسەلەنى تاعى قاراپ, قاجك-عا حات دايىندايمىن», دەدى سۋديا.