«جولاۋشىلار تاسىمالى» اق يندۋستريا جانە ينفراقۇرىلىمدىق دامۋ مينيسترلىگىنىڭ جانە شىعىس قازاقستان وبلىسىنىڭ جولاۋشىلار كولىگى جانە اۆتوموبيل جولدارى باسقارماسىنىڭ حاتتارىنا سايكەس شىعىس قازاقستان وبلىسى بويىنشا كوروناۆيرۋستىڭ تارالۋىن بولدىرماۋ ءۇشىن 2021 جىلعى 13 مامىر ساعات 00.00-دەن باستاپ جول ءجۇرۋ قۇجاتتارىن (بيلەتتەردى) ساتۋعا, وسكەمەن جانە نوۆو-وسكەمەن ستانسالارى بويىنشا «الماتى-وسكەمەن» باعىتىنداعى №351/352 جولاۋشىلار پويىزىنا جولاۋشىلاردى وتىرعىزۋعا جانە تۇسىرۋگە ۋاقىتشا تىيىم سالىنعانىن حابارلادى.
«قازاقستان تەمىر جولى» ۇك» اق ءباسپاسوز قىزمەتى حابارلاعانداي, جولاۋشىلار پويىزدىڭ توقتاتىلعان تۇراقتارىنا تەمىر جول بيلەتتەرىن جانە تاسىمالداۋ قاعيدالارىندا بەلگىلەنگەن مەرزىمدە تەمىر جول كولىگىمەن جولاۋشىلاردى, باگاجدى, جۇك-باگاجدى جانە پوشتا جونەلتىلىمدەرىن اقشا قاراجاتىن ۇستاماي, تولىق كولەمدە قايتارا الادى.
جولاۋشىلار پويىزدارىنىڭ ءجۇرۋ ءتارتىبى تۋرالى بارلىق اقپاراتتى «105» انىقتامالىق ءنومىرى ارقىلى بىلۋگە بولادى.
ۇلتتىق تاسىمالداۋشى جولاۋشىلاردان ەنگىزىلەتىن شەكتەۋلەرگە تۇسىنىستىكپەن قاراپ, كوروناۆيرۋستىق ىندەتتىڭ تارالۋى كەزەڭىندە قاۋىپسىزدىك شارالارىن ساقتاۋدى سۇرايدى.