الماتى قالالىق قوعامدىق دەنساۋلىق باسقارماسى باسشىسى ورىنباسارىنىڭ مىندەتىن اتقارۋشى لاۋرا مىرزاعالي ۆاكتسينا سالدىرعاننان كەيىن قايتىس بولعان دەگەن 2 ادامعا قاتىستى اقپاراتپەن ءبولىستى, دەپ حابارلايدى Egemen.kz.
ونىڭ ايتۋىنشا, ول ادامداردىڭ ناقتى نەدەن قايتىس بولعانى ءالى بەلگىسىز. سوندىقتان ولاردىڭ ولىمىنە ۆاكتسينا اسەر ەتتى دەپ ايتۋ ءالى ەرتە.
«قازىرگى ۋاقىتتا اتالعان دەرەك بويىنشا تەرگەپ-تەكسەرۋ جۇمىستارى جۇرگىزىلىپ جاتىر. ولاردى ۆاكتسينادان كوز جۇمدى دەپ ايتۋعا ءالى ەرتە. قورىتىندى وسى جىلدىڭ ماۋسىم ايىندا دايىن بولۋى كەرەك. سول كەزدە سەبەبىن, ايتاتىن بولامىز», دەدى ول.