جول اپاتىنان بەس ادام زارداپ شەكتى, دەپ حابارلايدى Egemen.kz Pavlodarnews.kz سايتىنا سىلتەمە جاساپ.
وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ مالىمەتىنشە, 16 مامىردا ساعات 11:48-دە «103» پۋلتىنە وقيعا كۋاگەرى قوڭىراۋ شالعان. قامزين جانە لوموۆ كوشەلەرىنىڭ قيىلىسىندا ەكى كولىك سوقتىعىسقان. جەدەل جاردەم توبى جول اپاتى بولعان جەرگە سەگىز مينۋتتان كەيىن جەتتى.
«جاراقات العانداردىڭ اراسىندا ءۇش بالا بار, ولاردىڭ ەكەۋى 2009 جىلى جانە بىرەۋى 2010 جىلى تۋعان. ولاردى باس ميىنىڭ شايقالۋى جانە باس-سۇيەك ميدىڭ جابىق جاراقاتىمەن وبلىستىق بالالار اۋرۋحاناسىنا جەتكىزدى», دەلىنگەن حابارلامادا.بەتى مەن يىعى جاراقاتتانعان 1984 جىلى تۋعان ايەل № 1 قالالىق اۋرۋحاناعا جەتكىزىلدى. تاعى ءبىر 37 جاستاعى ەر ادام موينى مەن كەۋدەسىن جاراقاتتاعان, الايدا ول اۋرۋحاناعا جاتۋدان باس تارتتى.