بۇگىن تۇركىستان قالاسىندا «تۇركىستان-ارەنا» ستاديونىندا XI-ءشى جازعى ۋنيۆەرسيادانىڭ ويىندارىنىڭ رەسمي اشىلۋ سالتاناتى وتەدى, دەپ حابارلايدى Egemen.kz
ايتۋلى شارا ەل تاۋەلسىزدىگىنىڭ جانە ق.ا.ياساۋي اتىنداعى حقتۋ-دىڭ 30 جىلدىعى قارساڭىندا ۇيىمداستىرىلىپ وتىر.
سونداي-اق, «تۇركىستان – تۇركى الەمىنىڭ رۋحاني استاناسى» اتانىپ, اتالعان سپورت شاراسى وبلىس ورتالىعىندا العاش رەت ءوتىپ وتىر.
بۇل تۋرالى بريفينگتە قوجا احمەت ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ رەكتورى جانار تەمىربەكوۆا مالىمدەدى.
ء«حى جازعى ۋنيۆەرسيادا –سپورتتىڭ 30 تۇرىنەن ەلىمىزدىڭ ءار تۇكپىرىنەن مىقتىلاردى بىرىكتىرگەن اۋقىمدى سپورتتىق-بۇقارالىق جوبا. ۋنيۆەرسيادا اياسىنداعى جارىستار نۇر-سۇلتان, الماتى, تۇركىستان, تاراز, قوستاناي, وسكەمەن قالالارىندا ءوتىپ جاتىر. قازىرگى تاڭدا 20 ۋنيۆەرسيتەتتىڭ ستۋدەنتتەرى ءوزارا سايىسقا تۇسۋدە. ايتا كەتەتىن جايت, تۇركىستان قالاسىنداعى XI جازعى ۋنيۆەرسيادانىڭ رەسمي اشىلۋ سالتاناتىندا ەلىمىزدىڭ 20 جوعارى وقۋ ورىندارىنان قۇرالعان ارنايى شەرۋ, ساحنالىق كورىنىستەر, فلەشموب وتەتىن بولادى. اتالعان سپورت شاراسى Turkistan تەلەارناسىنان تىكەلەي ەفيردە كورسەتىلەدى», دەدى جانار امانگەلدىقىزى.