اۋە اپاتىندا جاراقات العان ۇقك قىزمەتكەرلەرىنىڭ جاعدايى تۇراقتى. ولار جانساقتاۋ بولىمىنەن پالاتاعا اۋىستىرىلدى. بۇل تۋرالى №4 قالالىق كلينيكالىق اۋرۋحانانىڭ باس دارىگەرى ساعي بەيسەنبەكوۆ ءمالىم ەتتى, دەپ حابارلايدى Egemen.kz.
«ەكى ناۋقاستىڭ دا جاعدايى تۇراقتى. ولار رەانيماتسيادان مامانداندىرىلعان بولىمگە اۋىستىرىلدى. پالاتادا ەم الادى», دەدى №4 قالالىق كلينيكالىق اۋرۋحانانىڭ باس دارىگەرى ساعي بەيسەنبەكوۆ.
ەسكە سالا كەتەيىك, 13 ناۋرىز كۇنى نۇر-سۇلتان-الماتى باعىتىندا كەلە جاتقان ان-26 اسكەري ۇشاعى 17.22 كەزىندە راداردان جوعالىپ, قالا اۋەجايى ماڭىندا اپاتقا ۇشىراعان ەدى. ۇشاقتا بولعان 4 ادام قازا تاۋىپ, 2 ادام ءتۇرلى جاراقاتپەن الماتى قالاسىنىڭ №4 قالالىق كلينيكالىق اۋرۋحاناسىنا جەتكىزىلگەن.