وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, 46 جاستاعى ەر ادام ىشكىلىككە سالىنىپ, اناسىنا قول كوتەرگەن, دەپ حابارلايدى Egemen.kz.
«ەگدە جاستاعى ايەلدەن «102» وپەراتورىنا بالاسىنىڭ ماس كۇيىندە وتباسىلىق جانجال شىعارعانى تۋرالى حابار ءتۇستى. ىشكىلىككە سالىنعان ەر ادام ءۇيىنىڭ تەرەزەسىن سىندىرىپ, اناسىن ۇرىپ-سوققان. ىشىمدىك ءىشۋىن توقتاتپاعان بالاسى اناسىمەن بىرنەشە رەت جانجالداسقان. اناسىنا پسيحولوگيالىق جانە فيزيكالىق ءجابىر كورسەتكەن», دەپ مالىمدەدى دەپارتامەنتتىڭ ءباسپاسوز قىزمەتى.
ۋچاسكەلىك پوليتسيا ينسپەكتورى اناسىن ۇرعان ازاماتقا قاتىستى قر اكىمشىلىك قۇقىقبۇزۋشىلىق تۋرالى كودەكسىنىڭ 73-بابى, 2-بولىگىمەن (ۇرىپ سوعۋ) اكىمشىلىك حاتتاما تولتىردى. ال, مامانداندىرىلعان قالالىق سوت 46 جاستاعى ازاماتتى 10 تاۋلىككە قاماۋعا الۋ تۋرالى شەشىم شىعاردى.