گەرمانيا تۋريستەردىڭ ەلگە كىرۋىنە ەنگىزىلگەن شەكتەۋلەردى جەڭىلدەتتى. ەندى COVID-19 جۇقتىرىپ, اۋرۋدان جازىلعان جانە وعان قارسى ۆاكتسينا سالدىرعان تۋريستەر شەكارادان وتكەن كەزدە پتر-تەستىنەن جانە كارانتيننەن بوساتىلادى, دەپ حابارلايدى Egemen.kz.
13 مامىردان باستاپ گەرمانيا ۇكىمەتى كوروناۆيرۋس ينفەكتسياcىن جۇقتىرىپ, اۋرۋدان جازىلعان نەمەسە ينفەكتسياعا قارسى ۆاكتسينا سالدىرعان تۋريستەرگە ەلگە كىرگەن كەزدە پتر-تەست تاپسىرماۋعا, سونداي-اق ەكى اپتالىق وقشاۋلاۋدى ساقتاماۋعا مۇمكىندىك بەرەدى.
ەل بيلىگى ەۋروپالىق رەتتەۋشى مەكەمە ماقۇلداعان - BioNTech / Pfizer, Moderna, AstraZeneca جانە Johnson & Johnson ۆاكتسينالارىن مويىندايدى. رەسەيلىك جانە قازاقستاندىق پرەپاراتتار بۇل ساناتقا كىرمەيدى.
سونداي-اق 48 ساعاتقا دەيىن انتيدەنەلەر سىناعىن تاپسىرعان نەمەسە 72 ساعاتقا دەيىن پتر-تەستى بار تۋريستەر كارانتيننەن بوساتىلادى. تەك قولايسىز ەپيدەميولوگيالىق جاعدايى بار ەلدەردەن كەلگەن ساياحاتشىلار وقشاۋلانۋى قاجەت.