ەلىمىز بويىنشا مەكتەپتەردەگى كارانتين تالاپتارىنىڭ ساقتالۋىنا مونيتورينگ جۇرگىزۋ جالعاسۋدا. 1-29 ءساۋىر ارالىعىندا 1688 تەكسەرىس جۇرگىزىلدى, دەپ حابارلايدى Egemen.kz.
ءبىلىم بەرۋ مەكمەلەرىندە ورىن العان كارانتين رەجيمى تالاپتارىنىڭ نەگىزگى زاڭ بۇزۋشىلىقتارى رەتىندە كەلەسى فاكتورلاردى اتاپ وتۋگە بولادى: بىرقاتار مەكتەپتەردە بەتپەردەلىك رەجيم ساقتالماعان, اراقاشىقتىق بەلگىلەرى قويىلماعان, بولمەلەرگە ىلعالدى تازالاۋ جانە زالالسىزداندىرۋ جۇرگىزۋ كەستەسى بۇزىلعان, سىنىپتارداعى پارتالار اراسىنداعى قاشىقتىق ساقتالماعان. سونداي-اق باكتەريتسيدتىك شامداردىڭ, سانيتايزەرلەر مەن زالالسىزداندىرۋ قۇرالدارىنىڭ جەتكىلىكسىزدىگى انىقتالعان.اعىمداعى جىلعى 23-29 ءساۋىر ارالىعىندا مونيتورينگتىك توپتار 643 مەكتەپكە تەكسەرۋ جۇرگىزدى. كارانتين تالاپتارىن بۇزۋشىلىق 139 مەكتەپتە انىقتالدى, ياعني 21,6%-ءى كارانتين رەجيمى ءتارتىبىن بۇزا وتىرىپ جۇمىس جاساعان.ماسكا رەجيمىن بۇزۋ فاكتىلەرى 27 مەكتەپتە انىقتالدى, 19 مەكتەپتە تاڭەرتەڭگى سۇزگى جۇرگىزۋ ءتارتىبى بۇزىلعان, 6 مەكتەپتە الەۋمەتتىك اراقاشىقتىق بەلگىلەرى جوق, 29 مەكتەپ تولىق كولەمدە سانيتايزەرلەرمەن قامتاماسىز ەتىلمەگەن, 34 مەكتەپتە ىلعالدى تازالاۋ جانە دەزينفەكتسيا جۇرگىزىلمەگەن.زاڭ بۇزۋشىلىقتار سانى بويىنشا جوعارى كورسەتكىشەر كەلەسى ايماقتاردا ورىن الدى:
قاراعاندى وبلىسىندا – 25 بۇزۋشىلىق;
قىزىلوردا وبلىسىندا – 21;
تۇركىستان وبلىسىندا – 17.انىقتالعان بارلىق كارانتيندىك, سانيتاريالىق-گيگيەنالىق تالاپتاردى بۇزۋشىلىقتار بويىنشا قر اقبتك-ءنىڭ 425-بابىنا سايكەس 312 تۇلعاعا جالپى كولەمى 28 876 184 تەڭگە اكىمشىلىك ايىپپۇل سالىندى.
مەكتەپتەردە تۇسىندىرمە جۇمىستارى جۇرگىزىلدى.