تۇرىكمەنستاندا سوعىس جانە تىل ارداگەرلەرى جەڭىس كۇنىنە وراي مەملەكەت باسشىسىنان الاتىن سىيلىقتار ءۇشىن اقشا تاپسىرۋعا مىندەتتەلدى, دەپ حابارلايدى Egemen.kz.
تۇركمەنستاندا پرەزيدەنتتىڭ اتىنان ارداگەرلەرگە بەرىلەتىن سىيلىقتار ەكىنشى جىل قاتارىنان جالعاسۋدا.
وتكەن جىلى تىل ارداگەرلەرىنەن دە اقشا جينالدى. جەرگىلىكتى اكىمشىلىككە حابارلاسقان ارداگەرلەردىڭ تۋىستارىنىڭ ايتۋىنشا, بيلىك اقشا جيناۋ تۋرالى رەسمي اقپارات بەرمەيدى.
وتكەن جىلى تۇركمەنستان ارداگەرلەرى الەۋمەتتىك ساقتاندىرۋ ءۇشىن 1000 مانات تولەگەن بولاتىن, سونداي-اق ۇلى وتان سوعىسى ارداگەرلەرىنە مەرەكەلىك مەدال تابىستادى. اقشانى وسى مەدال ءۇشىن جينادى دەيدى ارداگەرلەر.
تۇركمەنستانداعى ۇلى وتان سوعىسى ارداگەرلەرىنىڭ مارتەبەسى «حالىقتى الەۋمەتتىك قورعاۋ» تۋرالى كودەكستە زاڭدى تۇردە بەكىتىلگەن. قازىرگى تاڭدا ەلدە ۇلى وتان سوعىسى ارداگەرلەرىنىڭ سانى قانشا ەكەنى بەلگىسىز.