ەلوردانىڭ ساۋدا ورتالىقتارىندا ۆاكتسيناتسيا قالاي جۇرگىزىلەدى؟

قالا تۇرعىندارى ساۋدا ورتالىقتارىنداعى ەگۋ پۋنكتتەرىندە مەديتسينا قىزمەتكەرلەرىنىڭ سىپايىلىعىن, جىلى قارىم-قاتىناسىن ايرىقشا اتاپ ءوتتى.

«قازىر كەزەك جوق, وتە ىڭعايلى. دارىگەرلەر ءبىزدى جىلى قارسى الادى. ءبارىن مۇقيات تۇسىندىرەدى. ۆاكتسينا قابىلداعان دۇرىس دەپ ەسەپتەيمىن. وزگەلەردەن جۇقتىرىپ الماۋىمىز ءارى وزگەلەرگە جۇقتىرماۋىمىز كەرەك. ءوز دەنساۋلىعىمىزعا ءوزىمىز كوڭىل ءبولۋىمىز قاجەت», دەيدى ەلوردا تۇرعىنى ءلاتيپا ءانۋارحان.

استانالىق ماقسۇت بايجانوۆ ساۋدا ورتالىعىنداعى ەگۋ پۋنكتى ەمحاناعا قاراعاندا جاقىن بولعانىن, بۇل وتە ىڭعايلى ەكەنىن جانە ۋاقىتىن ۇنەمدەگەنىن اتاپ ءوتتى.

«ماعان «مەگادا» دا, «حان شاتىردا» دا ۆاكتسينا الۋعا بولادى دەپ ايتتى. جۇمىسىمنان شىعىپ, ۇيىمە قايتار تۇستا جولىمدا بولعاندىقتان ۆاكتسينا قابىلداۋعا كەلىپ وتىرمىن», دەدى ول.

ەلوردالىق اسەت اتا-اناسىنا الاڭداعاندىقتان ۆاكتسينا سالدىرۋ كەرەك دەپ شەشكەن.

«قارت اتا-انام بار. ءوزىم اۋىرىپ, ارتىنشا ول كىسىلەرگە جۇقتىرعىم كەلمەيدى. سول سەبەپتى ۆاكتسيناتسيانى قاجەت دەپ سانادىم», دەدى ول.

رۇستەم قاراجانوۆ تا ۆاكتسينانى ساۋدا ورتالىعىندا ورنالاسقان پۋنكتتە الدى.

«بۇگىن ۆاكتسينانىڭ ءبىرىنشى كومپونەنتىن الدىم, ءوزىمدى جاقسى سەزىنەمىن. 21 كۇننەن كەيىن ەكىنشى كومپونەنتىن الۋعا كەلەمىن. مەنىڭ ويىمشا, ۆاكتسيناتسيالاۋ – ءبىزدىڭ پارىزىمىز. تۋىستارىم دا ۆاكتسينا الدى. ءبارى وزدەرىن قالىپتى سەزىنەدى», دەدى ەلوردا تۇرعىنى.

نۇرگۇل مولدابايقىزى ۆاكتسيناتسيا ازاماتتاردىڭ دەنساۋلىعى مەن ءومىرىن ساقتاۋ ءۇشىن قاجەت دەپ سانايدى.

«ۆاكتسينا دەنساۋلىق ءۇشىن عانا ەمەس, ادام ءومىرىن ساقتاۋ ءۇشىن دە قاجەت. سوندىقتان بىزگە وسىنداي مۇمكىندىك بەرگەنى ءۇشىن مەملەكەتكە ۇلكەن العىس بىلدىرگىم كەلەدى», دەيدى ول.

ەستەرىڭىزگە سالا كەتەيىك, ەلوردادا كۆي-گە قارسى ۆاكتسينا الۋعا بولاتىن 100-دەن استام ەگۋ پۋنكت جۇمىس ىستەيدى. مساك مەكەمەلەرىندە جانە قالانىڭ «Mega Silk Way», «Keruen», «حان شاتىر» «ابۋ-دابي پلازا», «ازيا پارك» سەكىلدى سوو-لارىندا. جۇمىس كەستەسى: ساعات 08.00-دەن 22.00-گە دەيىن.