قر ۇكىمەتىنىڭ قاۋلىسىمەن سەرىك راحمەتوللا ۇلى ەگىزباەۆ قر اقپارات جانە قوعامدىق دامۋ ۆيتسە-ءمينيسترى قىزمەتىنە تاعايىندالدى. بۇل تۋرالى قر پرەمەر-ءمينيسترىنىڭ ءباسپاسوز قىزمەتى حابارلايدى.
سەرىك ەگىزباەۆ 1963 جىلى باتىس قازاقستان وبلىسىندا دۇنيەگە كەلگەن. باتىس قازاقستان اۋىل شارۋاشىلىعى ينستيتۋتىن, قر پرەزيدەنتى جانىنداعى مەملەكەتتىك قىزمەت اكادەمياسىن, قازاق مەملەكەتتىك زاڭ اكادەمياسىن بىتىرگەن. ماماندىعى بويىنشا بىلىكتىلىگى — عالىم اگرونوم, مەملەكەتتىك قىزمەت مەنەدجەرى, زاڭگەر. ەڭبەك جولىن ورال (قازىرگى باتىس قازاقستان) وبلىسىنداعى «چاپاەۆ» اسىل تۇقىمدى مال زاۋىتىندا جۇمىسشى بولىپ باستاعان.
1986 جىلدان 1990 جىلعا دەيىن ءوڭىردىڭ كومسومول ۇيىمدارىندا ءار ءتۇرلى لاۋازىمداردا جۇمىس ىستەگەن.
1990-1997 جىلدارى — ورال وبلىستىق قازاقستان جاستار وداعىنىڭ حاتشىسى-يدەولوگيالىق ءبولىمىنىڭ مەڭگەرۋشىسى, باتىس قازاقستان وبلىستىق قازاقستان جاستار وداعىنىڭ ءبىرىنشى حاتشىسى.
1997-1998 جىلدارى باتىس قازاقستان وبلىسىنىڭ اكىمدىگىندە باس ينسپەكتور جانە ۇيىمداستىرۋ جانە كادر جۇمىسى ءبولىمى مەڭگەرۋشىسىنىڭ ورىنباسارى لاۋازىمدارىندا قىزمەت اتقارعان.
2000 جىلدان 2001 جىلعا دەيىن قر قارجى مينيسترلىگىنىڭ ۇيىمداستىرۋ جانە كادر جۇمىسى دەپارتامەنتىنىڭ ءبولىم باسشىسى بولىپ جۇمىس ىستەگەن.
2001-2007 جىلدارى قر پرەمەر-ءمينيسترىنىڭ كەڭسەسىندە ءتۇرلى قىزمەتتەر اتقارعان.
2007-2016 جىلدارى قر پرەزيدەنتى اكىمشىلىگىندە ءتۇرلى لاۋازىمداردا جۇمىس ىستەگەن.
2016 جىلعى قازاندا قر اۋىل شارۋاشىلىعى ۆيتسە-ءمينيسترى بولىپ تاعايىندالدى.
2017 جىلعى ناۋرىزدا — «قازاقستان» رترك باسقارما توراعاسىنىڭ وڭىرلىك دامۋ جونىندەگى ورىنباسارى. 2019 جىلدىڭ قىركۇيەك ايىنان
2021 جىلدىڭ اقپان ايىنا دەيىن باتىس قازاقستان وبلىسى اكىمىنىڭ ورىنباسارى قىزمەتىن اتقاردى. وسى جىلدىڭ اقپان ايىنان باستاپ قازىرگى ۋاقىتقا دەيىن قر اقپارات جانە قوعامدىق دامۋ مينيسترلىگىنىڭ اپپارات باسشىسى بولىپ جۇمىس ىستەدى.