جايىق-كاسپي وبلىسارالىق باسسەيندىك بالىق شارۋاشىلىعى ينسپەكتسياسىنىڭ باسشىسى نۇرلىبەك عايسيننىڭ مالىمەتىنشە, جايىق وزەنىندەگى سۋ دەڭگەيىنىڭ كوتەرىلۋىنەن اتىراۋ قالاسىنا تاياۋ ورنالاسقان بەسىكتى اۋىلىنىڭ ماڭىنداعى «بەزىمياننوە» جايىلمالى كولىنە قاراگوز بالىعى شىققان, دەپ حابارلايدى Egemen.kz
كولدە سۋ دەڭگەيى تومەن بولعان. سول سەبەپتەن, بالىق جاعاعا شىعىپ, ولە باستاعان. ال, بالىقتى جيناپ الۋعا كوپتەگەن جەرگىلىكتى تۇرعىندار كەلگەن.
«وسىعان بايلانىستى قۇرامىنا ءبىزدىڭ ينسپەكتسيانىڭ, «بالىق شارۋاشىلىعى عىلىمي-وندىرىستىك ورتالىعى» جشس اتىراۋ فيليالىنىڭ, وبلىستىق بالىق شارۋاشىلىعى باسقارماسىنىڭ, سونداي-اق, ەكولوگيا دەپارتامەنتىنىڭ وكىلدەرى كىرگەن ارنايى كوميسسيا قۇرىلدى. كەشە, 2 مامىردا جينالعان 470 كەلى ءولى بالىق جويىلدى. ال, 3 توننادان استام ءتىرى بالىق قۇتقارىلىپ, جايىق وزەنىنە جىبەرىلدى», دەدى نۇرلىبەك گايسين.
بالىقتى قۇتقارۋ جۇمىسىنا 10 ينسپەكتور, جەرگىلىكتى تۇرعىنداردان 40-قا جۋىق ادام, اكىمشىلىك 3, ينسپەكتسيادان 4 تەحنيكا تارتىلعان.