وقيعا 2 مامىر كۇنى قىزىلوردا قالاسىنا قاراستى تالسۋات ەلدى مەكەنى تۇسىندا بولدى, دەپ حابارلايدى Egemen.kz
«جول-كولىك وقيعاسىنان ءتورت جولاۋشى مەديتسينالىق مەكەمەگە جەتكىزىلدى. ونىڭ ىشىندە 1 ازاماتشا جانە 3 ءجاسوسپىرىم بار. كوز جۇمعاندار جوق. جول-كولىك وقيعاسىنىڭ سەبەپ-سالدارىن انىقتاۋ ماقساتىندا ءتيىستى ساراپتامالار تاعايىندالدى. قر قىلمىستىق كودەكسىنىڭ 345-بابىنىڭ 2-بولىگى بويىنشا سوتقا دەيىنگى تەرگەپ-تەكسەرۋ باستالدى. وندا كولىك قۇرالدارىن باسقاراتىن ادامداردىڭ جول ءجۇرىسى نەمەسە كولىك قۇرالدارىن پايدالانۋ قاعيدالارىن بۇزۋى جاعدايى كورسەتىلگەن. وقيعانىڭ ءمان-جايى انىقتالىپ جاتىر», دەدى قىزىلوردا وبلىسى پوليتسيا دەپارتامەنتىنىڭ وكىلى.