قر پرەمەر-ءمينيسترى اسقار مامين قازاق ەلىن 1 مامىر – قازاقستان حالقىنىڭ بىرلىگى كۇنىمەن قۇتتىقتادى, دەپ حابارلايدى Egemen.kz قر پرەمەر-ءمينيستردىڭ ءباسپاسوز قىزمەتىنە سىلتەمە جاساپ.
«قىمباتتى وتانداستار, بارشاڭىزدى قازاقستان حالقىنىڭ بىرلىگى كۇنىمەن قۇتتىقتايمىن! بۇل مەرەكە – ءبىزدىڭ بىرتۇتاستىعىمىز بەن باياندى بولاشاعىمىزدىڭ سيمۆولى.
قازاقستاندا ءار ءتۇرلى ۇلتتىڭ وكىلدەرى تۇرادى, بىراق ءبىز, قازاقستاندىقتار – ءبىر حالىقپىز. كوپۇلتتى قوعامداعى ۇرپاقتار بىرلىگى مەن كەلىسىمىنىڭ ارقاسىندا قازاقستان بارلىق قيىندىقتاردى ەڭسەرىپ, سىندارلى تاريحىنىڭ ءتۇرلى كەزەڭدەرىندە تابىستى دامىدى.
ءبىزدىڭ بۇگىنگى ورتاق مۇددەمىز – ۇلتارالىق كەلىسىم مەن ءوزارا تۇسىنىستىكتى ساقتاۋ جانە نىعايتۋ. وسىنداي ءداستۇرلى قۇندىلىقتار حالقىمىزدىڭ ءومىر ءسۇرۋ ساپاسىن ارتتىرا وتىرىپ, ەلىمىزدىڭ تۇراقتى جانە سەرپىندى الەۋمەتتىك-ەكونوميكالىق دامۋىنىڭ ماڭىزدى العىشارتىنا اينالدى.
ورتاق شاڭىراعىمىز – قازاقستان رەسپۋبليكاسىنىڭ كەمەل كەلەشەگى ءبىزدىڭ ىنتىماعىمىزعا, جاسامپاز ەڭبەگىمىزگە, كۇش-قۋاتىمىزعا جانە ەڭ كۇردەلى جالپىۇلتتىق مىندەتتەردى شەشۋدەگى تاباندىلىعىمىزعا بايلانىستى.
بىرلىك كۇنى ءبىزدى قازاقستاننىڭ يگىلىگى ءۇشىن جاڭا جەتىستىكتەر مەن تابىستارعا باستاي بەرسىن! بارلىق وتانداستارىمىزعا, ءاربىر وتباسىنا زور دەنساۋلىق, تاتۋلىق پەن باق-بەرەكە تىلەيمىن!»
قازاقستان رەسپۋبليكاسىنىڭ پرەمەر-ءمينيسترى اسقار مامين».