الماتى زووباعىندا ياگۋار دۇنيەگە كەلدى. بۇل تۋرالى زووباقتىڭ Instagram پاراقشاسىندا جاريالاندى, دەپ حابارلايدى Egemen.kz
جاڭا تۋعان ياگۋاردىڭ اناسى مومىن 2010 جىلى الماتى حايۋاناتتار باعىندا تۋعان, اكەسى ۆاسيلي 2014 جىلى زووباققا نوۆوسيبيرسكىدەن اكەلىنگەن.
«مومىن مەن ءۆاسيليدىڭ تۇڭعىشتارى 2019 جىلى تۋعان بولاتىن. ەستەرىڭىزدە بولسا, اۋستراليا قۇرلىعىندا الاپات ءورت بولىپ, سول وقيعاعا جاناشىرلىق تانىتىپ, قولداۋ رەتىندە ارنايى بايقاۋ جاريالاپ وعان اۋستراليا دەگەن ات بەرگەنبىز. ول اناسىنا ۇقساپ تەڭبىل بولىپ تۋدى. ەندى ولاردىڭ جاقىندا عانا, 17 ناۋرىز كۇنى دۇنيەگە كەلگەن ءىنىسى اكەسىنە ۇقساعان-قارا», دەلىنگەن حابارلامادا.
زووباق قىزمەتكەرلەرىنىڭ حابارلاۋىنشا ياگۋار كۇندەلىكتى 3 كەلى ەت جەيدى. قازىرگى تاڭدا ياگۋاردىڭ اناسىنىڭ تاماقتانۋ راتسيونى 4,5 كەلىگە كوبەيگەن.