الەۋمەتتىك جەلىلەردىڭ بىرىندە جامبىل وبلىسى لۋگوۆوي گارنيزونىنداعى اسكەري ساربازدارعا بەرىلەتىن تاعامعا قاتىستى ۆيدەو قىزۋ تالقىلانىپ جاتىر. اتالعان جايتقا بايلانىستى قورعانىس مينيسترلىگىنىڭ وكىلدەرى تۇسىنىكتەمە بەردى, دەپ حابارلايدى Egemen.kz
«قازاقستان اسكەرىندە ازاماتتىق بورىشىن وتەپ جۇرگەن ساربازداردىڭ قانداي تاماق ءىشىپ جۇرگەنىن دە كوردىك, اسكەردەگى تاماقتار ءدال وسىنداي دەپ ويلامادىق. سونداي-اق ساربازداردىڭ سوزىنشە ولارعا كەيبىر ازىق-ت ۇلىك جەتپەيتىن كورىنەدى», دەلىنگەن جازبادا.
ۆيدەونى كورگەن جەلى قولدانۋشىلارى ءارتۇرلى پىكىر جازىپ, تاڭدانىستارىن جاسىرمادى.
«قازاقستاندىق ساربازداردىڭ جاعدايى تۇرمەدەگىلەردەن دە جامان عوي», «اسكەرىنە قاراپ, ەلدى تانى», «ەڭ الدىمەن ەلىمىزدى, جەرىمىزدى قورعايتىن ساربازدارىمىز توق بولۋ كەرەك», «وسىدان سوڭ جاستارعا «نەگە پاتريوت ەمەسسىڭ؟» دەپ سۇراۋدىڭ ءوزى ارتىق», دەپ جازدى جەلى قولدانۋشىلارى.
قورعانىس مينيسترلىگى وكىلدەرىنىڭ مالىمەتىنشە, بۇل وقيعا 2019 جىلى لۋگوۆويداعى اسكەري گارنيزوندا بولعان جاعداي ەكەن.
«اتالعان جازبا 2019 جىلى لۋگوۆوي گارنيزونىنا قارايتىن اسكەري بولىمدەردىڭ بىرىندە تۇسىرىلگەن. قازاقستان رەسپۋبليكاسى قارۋلى كۇشتەرىندە اسكەري قىزمەتكەرلەردى تاماقتاندىرۋ كونكۋرستىق اۋتسورسينگ ارقىلى جۇزەگە اسىرىلادى, ياعني قانداي ۇيىم جەڭىپ الادى, سول ۇيىم اسكەريلەردى تاماقتاندىرۋدى تولىق موينىنا الادى. بولىمدەردىڭ باسشىلىعى تولىقتىعى مەن ونىڭ ساپاسىن جاقسارتۋدى باقىلاۋدا ۇستايدى. وكىنىشكە قاراي, كەيدە ساپاسىز قىزمەت كورسەتۋ ورىن الىپ جاتادى. ءاربىر جاعداي تالقىلانىپ, ءتيىستى شارالار قولدانىلادى», دەدى قورعانىس مينيسترلىگىنىڭ اقپارات جانە كوممۋنيكاتسيالار دەپارتامەنتىنىڭ وكىلى, مايور عاني ءنۇسىپوۆ.
ءنۇسىپوۆتىڭ سوزىنشە, اتالعان دەرەك بويىنشا 2019 جىلى ءتيىستى شارا قولدانىلىپ, لۋگوۆوي گارنيزونىندا تاماقتانۋ ساپاسىنا قاتىستى ماسەلەلەر شەشىلگەن.