بۇل كۇندەرى سەربيانىڭ باس شاھارى – بەلگرادتا بوكستان حالىقارالىق Belgrade Winner ءتۋرنيرى ءوتىپ جاتىر. كۇنى كەشە جارىستىڭ جارتىلاي فينال باسەكەلەرى اياقتالىپ, فينالعا جولداما العان بوكسشىلار انىقتالدى.
حالىقارالىق جارىستىڭ فينالىنا قازاقستان قۇراماسىنىڭ ءتورت بىلعارى قولعاپ شەبەرى شىقتى. اتاپ ايتار بولساق, ءتۋرنيردىڭ التىن جۇلدەسى ءۇشىن جەرلەستەرىمىزدەن ريو وليمپياداسىنىڭ كۇمىس جۇلدەگەرى ۆاسيلي لەۆيت (91 كگ), بىلتىرعى قازاقستان چەمپيوناتىنىڭ كۇمىس جۇلدەگەرى ساكەن بيبوسىنوۆ (52 كگ), 2020 جىلعى قازاقستان چەمپيونى ەرتۋعان زەينۋلينوۆ (63 كگ) جانە جاستار اراسىنداعى الەم چەمپيونى نۇربەك ورالباي (81 كگ) جۇدىرىقتاسادى.
ال جارتىلاي فينالدا قارسىلاستارىنا جول بەرگەن وليمپيادا جولداماسىنىڭ يەگەرى, قازاقستان چەمپيونى ابىلايحان ءجۇسىپوۆ (69 كگ), ەل بىرىنشىلىگىنىڭ جۇلدەگەرلەرى نۇرقانات رايىس (75 كگ) پەن نۇرلان ساپارباي (+91 كگ) جارىستىڭ قولا جۇلدەسىنە يە بولدى.