كومپوزيتور ەسكەندىر حاسانعاليەۆتىڭ ۇلى ءبىرجان حاسانعاليەۆ كوروناۆيرۋس جۇقتىرعان اتا-اناسىنىڭ قازىرگى جاعدايىن ايتتى, دەپ حابارلايدى Egemen.kz tengrinews.kz سايتىنا سىلتەمە جاساپ.
«اكەمنىڭ جاعدايىنا قاتىستى دارىگەرلەر كەيىنگى ءتورت كۇندەگى كورسەتكىشتەرگە سۇيەنىپ, «اسا اۋىر» دەگەن باعا بەرىپ وتىر. وسىدان ەكى جارىم جىل بۇرىن اكەم جۇرەگىنە كۇردەلى وتا جاساتقان بولاتىن, سونىڭ دا اسەرى بار ما دەپ ويلايمىز. قازىر ول يۆل اپپاراتىنا قوسىلعان. دارىگەرلەردىڭ ايتۋىنشا, الداعى 5-6 كۇن ىشىندە جاعدايى جاقسارىپ قالۋى مۇمكىن», دەدى بىرجان حاسانعاليەۆ.
ونىڭ ايتۋىنشا, اناسى داريكو حاسانعاليەۆانىڭ جاعدايى جاقسارىپ كەلەدى. جاقىن كۇندەرى جانساقتاۋ بولىمىنەن شىعارىلادى.
«بۇكىل حالىق بولىپ اتا-انامنىڭ تىلەۋىن تىلەپ, جىلى تىلەكتەرىن جاۋدىرىپ جاتىر, سودان بولار بىزدە سەنىم پايدا بولدى.ء دال قازىرگى ارمانىمىز - اتا-انامىزدىڭ امان-ەسەن ورتامىزعا ورالۋى», دەدى ول.