تەننيسشىلەردىڭ الەمدىك رەيتينگى قايتا جاڭارتىلدى. توپ-100 سپورتشىنىڭ قاتارىنداعى قازاقستاندىق تەننيسشىلەردىڭ الدىڭعى رەيتينگپەن سالىستىرعاندا ءبىر ساتىعا جوعارىلادى.
ايەلدەر اراسىنداعى قازاقستاننىڭ ءبىرىنشى راكەتكاسى ەلەنا رىباكينا 23-ورىننان 22-ساتىعا, ال زارينا دياس 90-نان 89-ورىنعا كوتەرىلدى. يۋليا پۋتينتسەۆا بولسا, رەيتينگتەگى ورنىن ساقتاپ قالدى. ول توپ-30 تەننيسشىنىڭ قاتارىندا تۇر. WTA رەيتينگىندە ءبىرىنشى ورىندى اۋستراليالىق ەشلي بارتي ءالى دە ەشكىمگە بەرمەي كەلەدى.
ەرلەر اراسىنداعى رەيتينگتە قازاقستاننىڭ ءبىرىنشى راكەتكاسى الەكساندر بۋبليك 42-ورىننان 43-كە, دميتري پوپكو ءبىر ساتىعا تومەندەپ, 182-ءشى مەجەگە تۇراقتادى. ال ميحايل كۋكۋشكين ەكى ورىنعا جوعارىلاپ, 104-ساتىعا جايعاستى. ATP رەيتينگىندە سەربيالىق نوۆاك دجوكوۆيچ كوش باستاپ تۇر.