فۋتبولدان قازاقستان ۇلتتىق قۇراماسى 1-10 ماۋسىم ارالىعىنداعى فيفا-نىڭ رەسمي كۇندەرى اياسىندا كوسوۆو فۋتبولشىلارىمەن جولداستىق ماتچ وتكىزۋ جونىندە كەلىسىمگە كەلدى. بۇل تۋرالى فەدەراتسيانىڭ ءباسپاسوز قىزمەتى رەسمي تۇردە مالىمدەدى.
«قازاقستان مەن كوسوۆونىڭ فۋتبول فەدەراتسيالارى اراسىندا جولداستىق كەزدەسۋ وتكىزۋ تۋرالى كەلىسىمگە قول قويىلدى. ماتچ 4 ماۋسىم كۇنى كوسوۆو استاناسى – پريشتينا قالاسىنداعى «فاديل ۆوكري» ستاديونىندا وتەدى. 2016 جىلدىڭ مامىرىندا رەسمي تۇردە ۋەفا مەن فيفا-نىڭ مۇشەلىگىنە قابىلدانعان كوسوۆو قۇراماسى قازىرگى تاڭدا فيفا رەيتينگىندە 120-ورىندا تۇر. كوسوۆو – ءبىزدىڭ قۇرامانىڭ تاريحىندا 69-شى, ال ەۋروپا ەلدەرىنىڭ ىشىندە 40-شى قارسىلاس بولماق», دەلىنگەن حابارلامادا.
ايتا كەتەيىك, كوسوۆو قۇراماسىن 2018 جىلدان باستاپ شۆەيتساريالىق مامان بەرنار شاللاند جاتتىقتىرادى.