جەر كوميسسياسىنىڭ العاشقى وتىرىسىن ەسكە الساق, قانداي قيىن ەدى. ەندى ءبارى قالىپقا كەلىپ, جۇمىسىمىز جۇيەلەنە ءتۇستى. سوعان ساي ماردىمدى پىكىرلەر ايتىلدى.
قازاقستان – ۇلكەن مەملەكەت ەكەنىن ءجيى ايتامىز. سوندىقتان قابىلدانعان كەي زاڭدار ءبىر ايماقتا ءتيىمدى ناتيجە بەرسە, باسقا ايماقتا ونداي بولماۋى مۇمكىن. ماسەلەن, بۇگىن ون, جيىرما, ءجۇز گەكتار تۋرالى ايتىلدى. ءوزىڭىز ويلاپ قاراڭىزشى, سولتۇستىك قازاقستان ايماعى ءۇشىن ءجۇز گەكتار دەگەن نە؟ بۇل ۇلكەن ماسەلە بولماۋى مۇمكىن. ال حالقى تىعىز ورنالاسقان وڭتۇستىك ءۇشىن ءار سۇيەم جەر ماڭىزدى. بۇگىنگى وتىرىستا ءبارىمىز ول جاقتاعى دەموگرافيانىڭ قارقىنى تۋرالى جاقسى اقپارات الدىق. بۇگىن دۇنيەگە كەلىپ جاتقان بالالار ەندى قالاي ءومىر ءسۇرىپ, قالاي جۇمىسقا ورنالاسادى؟ بۇل دا وزەكتى ماسەلە.
سوندىقتان بۇگىن شەشىم قابىلداپ, ونى بەس جىلدا ۇمىتىپ كەتپەۋ كەرەك.
ءيا, ۇزاققا سوزىلعان وتىرىس بولدى. دەگەنمەن, جاقسى ءىس اتقارىلدى دەپ ويلايمىن. ءوز باسىم شەشىمگە قۋانىشتىمىن. ويتكەنى ورتاق كەلىسىمگە كەلە الىپ, شەشىم قابىلداۋ دا – جەتىستىك.
گەننادي زەنچەنكو,
«زەنچەنكو ي ك» سەرىكتەستىگىنىڭ باس ديرەكتورى