جەر كوميسسياسىنىڭ بەسىنشى وتىرىسىندا بارلىعى 113 ماسەلە قارالدى. ولاردىڭ بارلىعىنا كوميسسيا مۇشەلەرى, كوميسسيا باسشىلىعى بەيجاي قاراعان جوق. بارلىق ماسەلە بويىنشا ءتيىستى شەشىمدەر قابىلداندى.
ۇكىمەت جەر ماسەلەسىن تالقىلايتىن ءتيىمدى الاڭ بەردى دەپ ويلايمىن. ويتكەنى وتكەن بەس ماجىلىستە دە ءار كوميسسيا مۇشەسى ويىن بۇكپەسىز, ەركىن ايتىپ, شارۋالاردىڭ, فەرمەرلەردىڭ, اۋىل ەڭبەككەرلەرىنىڭ, جالپى قازاقستاندىقتاردىڭ ايتقان پىكىرلەرىن ورتاعا سالدى. كوميسسيا جەردى 49 جىلعا جالعا بەرۋ تۋرالى شەشىم قابىلدادى. جاقسى جۇمىس ىستەپ جاتقان ازاماتتار مەن فەرمەرلەرگە باسىمدىق بەرىپ, ونى ءارى قاراي ۇزارتۋعا مۇمكىندىك بولادى. بۇل – وتە ءتيىمدى شەشىم.
جۇرتتىڭ بارلىعىنىڭ پىكىرى ءبىر جەردەن شىقپايتىنى بەلگىلى. وتىرىس بارىسىندا جەرگە جەكەمەنشىك قۇقىق بەرۋگە قاتىستى ءتۇرلى پىكىرلەر تۋىندادى. قىزۋ تالقىلاۋ بولدى. كوپشىلىكتىڭ شەشىمىمەن اۋىل شارۋاشىلىعى جەرىنە جەكەمەنشىك ينستيتۋتىنا كىرگىزۋ جونىندە 5 جىلعا موراتوري جاريالاندى. ويتكەنى وعان ۇلكەن دايىندىق كەرەك.
جيگۋلي دايراباەۆ,
«قازاقستان فەرمەرلەر وداعى» رەسپۋبليكالىق قوعامدىق بىرلەستىگىنىڭ پرەزيدەنتى