تۇركىستان قالاسىندا بەلگىسىز بىرەۋلەر تاپا-تال تۇستە كوشەدە وق اتقان, دەپ حابارلايدى Egemen.kz.
وبلىستىق پوليتسيا دەپارتامەنتىنىڭ ءباسپاسوز قىزمەتى تاراتقان مالىمەتكە سۇيەنسەك, كەشە تۇركىستان قالاسى كوشەلەرىنىڭ بىرىندە بەلگىسىز بىرەۋلەر تراۆماتيكالىق قارۋدان وق اتقان.
اتالعان جايتتى پوليتسەيلەر قىلمىستىق كودەكستىڭ 293-بابى - «بۇزاقىلىق» بويىنشا تىركەدى.
وقيعا ورنىندا جەدەل-تەرگەۋ توبى جۇمىس ىستەپ جاتىر.
پوليتسيا قىزمەتكەرلەرى وقيعاعا قاتىسى بار ادامداردى انىقتادى.
ولاردى ۇستاۋعا قاتىستى شارالار قابىلدانىپ جاتىر.
«بولعان وقيعانىڭ تولىق ءمان-جايى انىقتالۋدا» دەپ مالىمدەدى پوليتسيا.