جاپونيانىڭ مەتەورولوگيا باسقارماسى ساكۋرادزيما جانارتاۋىنان تونگەن قاۋىپكە بايلانىستى ونىڭ ماڭىندا جۇرۋگە تىيىم سالىنعان ايماقتى كەڭەيتتى, دەپ حابارلايدى Egemen.kz NHK-عا سىلتەمە جاساپ.
جاپونيانىڭ وڭتۇستىك-باتىسىندا ورنالاسقان ساكۋرادزيما جانارتاۋى جەكسەنبى كۇنى اتقىلاعان. ول اسپانعا بيىكتىگى 2,3 شاقىرىمعا دەيىن جەتەتىن ءتۇتىن مەن كۇل شاشتى. پيروكلاستيك اعىن كراتەردەن شامامەن 1,8 شاقىرىم جەردە ورنالاسقان اۋدانعا دەيىن جەتكەن.
وسىعان بايلانىستى, مەتەورولوگيالىق باسقارما جانارتاۋدىڭ ماڭىندا جۇرۋگە تىيىم سالىنعان ايماقتى 2 شاقىرىمنان 2,4 شاقىرىمعا دەيىن كەڭەيتتى, بۇل رەتتە قاۋىپتىلىكتىڭ دەڭگەيى وزگەرىسسىز – بەس بالدىق شكالا بويىنشا ءۇش بالل بولىپ قالعان.