ۇلى وتان سوعىسىندا پايدالانىلعان تاپانشا

التاي اۋدانىنىڭ پوليتسيا بولىمىنە 63 جاستاعى زەينەتكەر اكتسيا اياسىندا ماگازينىندە ءۇش پاترونى بار كوبۋراسىمەن قوسا ويىق قىسقا ۇڭعىلى تاپانشانى تاپسىرعان.

سوت-بالليستيكالىق ساراپتاما ناتيجەسى بويىنشا بۇل قارۋ 1900 جىلى دايىندالعانى انىقتالدى. 7,65 مم كاليبرلى, زاۋىتتىق ءنومىرى «166710», ياعني «براۋنينگ» جۇيەسىنە جاتاتىن ويىق اتىس قارۋى جانە وزدىگىنەن وقتالاتىن تاپانشا. زاۋىتتىق ادىسپەن جاسالعان قارۋ اتۋ ءۇشىن جارامدى.

ايتا كەتەيىك, قارۋ ۇلى وتان سوعىسى كەزىندە اقش پەن بەلگيا ارمياسىنىڭ قولىندا بولعان.

اۋدان تۇرعىنى قارۋ-جاراقتى ۇوس قاتىسۋشىسى بولعان اتاسىنىڭ جەرتولەسىنەن تاپقانىن ايتقان. وق-دارىلەرى بار اتىس قارۋى شقو پوليتسيا دەپارتامەنتىنىڭ مۇراجايىنا تاريحي قۇندىلىق رەتىندە ساقتالادى.

- حالىقتان زاڭسىز ساقتالعان اتىس قارۋى مەن وق-دارىلەردى ساتىپ الۋ جونىندەگى كوميسسيا قۇرامى ەر ادامعا قارۋ ءۇشىن 120 000 تەڭگەدەن استام قاراجات تولەيدى. وسىلايشا, ءۇش كۇن ىشىندە تىركەلمەگەن قارۋ مەن وق-دارىلەردى ەرىكتى تۇردە تاپسىرۋ اكتسياسىن وتكىزۋ بارىسىندا وبلىس بويىنشا حالىقتان 7 ملن.تەڭگەگە 110 بىرلىك قارۋ (ويىق – 15 جانە تەگىس ۇڭعىلى - 95) قابىلداندى, - دەدى شقو پد باستىعى ساعات ماديەۆ.

ەسكە سالا كەتەيىك, اعىمداعى جىلدىڭ 20 ساۋىرىنەن باستاپ شقو اۋماعىندا حالىقتان اتىس قارۋىن, وق-دارىلەردى جانە جارىلعىش زاتتاردى ساتىپ الۋ بويىنشا رەسپۋبليكالىق اكتسيا وتۋدە. ايماقتىڭ كەز-كەلگەن ەرەسەك تۇرعىنى وق-دارىلەردى نەمەسە قارۋ-جاراقتاردى تاپسىرىپ, سول ءۇشىن اقشالاي سىياقى الا الادى.

سونىمەن قاتار, تىركەلمەگەن قارۋدى پوليتسيا بولىمىنە اكەلگەن ادام قىلمىستىق جاۋاپكەرشىلىكتەن بوساتىلادى.

كوروناۆيرۋستىق ينفەكتسيانىڭ تارالۋىنا جول بەرمەۋ ماقساتىندا بۇل اكتسيا سانيتارلىق-ەپيدەميولوگيالىق تالاپتاردى ساقتاي وتىرىپ ءوتىپ جاتىر.