نۇر-سۇلتاندا جەدەل جاردەم كولىگى جول اپاتىنا ۇشىراپ, بەس ادام زارداپ شەكتى, دەپ حابارلايدى Egemen.kz قالالىق پوليتسيا دەپارتامەنتىنىڭ ءباسپاسوز قىزمەتىنە سىلتەمە جاساپ.
بەلگىلى بولعانداي, 22 ءساۋىر شامامەن ساعات 17:51-دە LADA جۇرگىزۋشىسى نۇر-سۇلتان - مالوتيموفەەۆكا تاسجولىمەن ا1 كوشەسىنە قاراي كەلە جاتىپ كولىكتى باسقارا الماي, «قالالىق جۇقپالى اۋرۋلار اۋرۋحاناسى» مكقك-نە تيەسىلى ۋاز اۆتوكولىگىمەن سوقتىعىسقان. وسى ساتتە جەدەل جاردەم كولىگى جولدىڭ شەتىنە شىعىپ كەتكەن.
«وقيعا سالدارىنان ءتۇرلى جاراقات العان جۇرگىزۋشى مەن ۋاز كولىگىنىڭ بەس جولاۋشىسى اۋرۋحاناعا جەتكىزىلدى, ونىڭ تورتەۋى دارىگەرلەردىڭ قاراۋىنان كەيىن ۇيىنە قايتارىلدى. اتالعان دەرەك بويىنشا تەكسەرىس ءجۇرىپ جاتىر», دەلىنگەن حابارلامادا.