تاڭەرتەڭ جۇمىسقا كەتىپ بارا جاتقان جۇرگىنشىلەردىڭ ءبىرى قوبىلاندى باتىر داڭعىلىنداعى بەس قاباتتى تۇرعىن ءۇيدىڭ تەرەزەسىنەن شىعىپ جاتقان قويۋ ءتۇتىندى بايقاپ, ءورت ءسوندىرۋ قىزمەتىنە حابارلاسقان. ءورت سوندىرۋشىلەر وقيعا ورنىنا جەتكەندە تۇرعىن ءۇيدىڭ ءتورتىنشى قاباتىنداعى ءبىر بولمەلى پاتەر تۇگەلدەي قىزىل جالىنعا ورانىپ ۇلگەرگەن.
ء «ورت تۋرالى حابار 22 ءساۋىر كۇنى تاڭعى ساعات 06:43-تە كەزەكشى پۋلتىنە ءتۇستى. 2 ءورت ءسوندىرۋ تەحنيكاسى مەن 11 قىزمەتكەر وقيعا ورنىنا ساناۋلى مينۋتتاردان سوڭ جەتتى. پاتەردەگى جيھازدار مەن ءۇي بۇيىمدارىنىڭ ءبارى جانىپ ۇلگەرگەن. ءورت ءسوندىرۋ بارىسىندا پاتەر ىشىنەن 1969 جىلى تۋعان ايەل ادامنىڭ ءمايىتى تابىلدى. مارقۇمنىڭ ورتەنگەن پاتەردىڭ يەسى ەكەنى انىقتالدى. ءورت ساعات 07:01-دە تولىق ءسوندىرىلدى. قايعىلى وقيعانىڭ سەبەبى تۇتانعان تەمەكى تۇقىلىنان بولۋى مۇمكىن دەگەن بولجام بار», دەپ مالىمدەدى وبلىستىق تجق-ءنىڭ ءباسپاسوز ورتالىعى.
قوستاناي وبلىسى