الداعى ءۇش جىلدا اتىراۋ وبلىسىندا 55 مىڭ ادام جۇمىستان بوسايدى. بۇل تۋرالى اتىراۋ وبلىسىنىڭ الەۋمەتتىك-ەكونوميكالىق دامۋ ماسەلەلەرى جونىندەگى كەڭەستە مەملەكەت باسشىسى قاسىم-جومارت توقاەۆ ايتتى, دەپ حابارلايدى Egemen.kz
«قازىرگى تاڭدا اتىراۋ وبلىسىنداعى تۇرمىس دەڭگەيى ەلىمىزدىڭ وزگە وڭىرلەرىنە قاراعاندا جوعارى. ورتاشا جالاقى 358 مىڭ تەڭگە, بۇل – جالپى رەسپۋبليكالىق كورسەتكىشتەن 1,6 ەسە جوعارى (قازاقستان بويىنشا 222,9 مىڭ تەڭگە). دەگەنمەن, مۇندا جۇزەگە اسىرىلىپ جاتقان «بولاشاقتا كەڭەيۋ جوباسى» جاقىندا اياقتالادى. الداعى ءۇش جىلدا 55 مىڭ ادام جۇمىستان بوسايدى. وبلىس اكىمى ونىڭ 31 مىڭىن ەڭبەكپەن قامتۋدى جوسپارلاپ وتىر. بۇل اتىراۋ وبلىسىنىڭ عانا مىندەتى ەمەس ەكەنىن ەسكە سالامىن», دەدى پرەزيدەنت.
مەملەكەت باسشىسى جوبا اياسىندا ۆاحتالىق تاسىلمەن وزگە ايماقتاردىڭ تۇرعىندارى دا جۇمىس ىستەپ جۇرگەندىگىن تىلگە تيەك ەتتى.
«ۇكىمەتكە جۇمىستان بوساتىلاتىن بارلىق جۇمىسشىلاردى بىرتىندەپ ەڭبەكپەن قامتۋ ماسەلەسىن پىسىقتاۋدى تاپسىرامىن», دەدى قاسىم-جومارت توقاەۆ.