ماڭعىستاۋدا قىزىل كىتاپقا ەنگەن 150 كەلى بالىق تاركىلەندى, دەپ حابارلايدى Egemen.kz Polisia.kz سايتىنا سىلتەمە جاساپ.
ماڭعىستاۋ وبلىسىندا «بەكىرە-2021» جەدەل الدىن الۋ ءىس-شاراسى بارىسىندا قىزىل كىتاپقا ەنگەن بالىقتاردى زاڭسىز اۋلاۋ فاكتىسى انىقتالدى. اتالعان ءىس-شارا وبلىستىڭ تابيعاتتى قورعاۋ پوليتسياسىمەن, جقاج قىزمەتكەرلەرىمەن, سونداي-اق اقتاۋ قالاسى پب پاترۋلدىك پوليتسيا باتالونىمەن جانە تۇپقاراعان اۋدانىنىڭ پوليتسيا ءبولىمىنىڭ قىزمەتكەرلەرىمەن بىرلەسىپ وتكىزىلدى.
ماسەلەن, تۇپقاراعان اۋدانى فورت-شەۆچەنكو قالاسىندا پوليتسيا قىزمەتكەرلەرى «ۋاز» اۆتوكولىگىن توقتاتتى. ءاۆتوموبيلدى تەكسەرۋ كەزىندە پوليتسەيلەرمەن جۇكسالعىشتان جالپى سالماعى 148 كيلوگرامنان اساتىن بەكىرە تۇقىمداس بالىقتار تابىلىپ, تاركىلەندى. اۆتوكولىك جۇرگىزۋشىسى – 25 جاستاعى جەرگىلىكتى تۇرعىن.
اتالعان فاكتى بويىنشا قر قك 339-بابى (وسiمدiكتەردىڭ نەمەسە جانۋارلاردىڭ سيرەك كەزدەسەتiن جانە قۇرىپ كەتۋ قاۋپi تونگەن, سونداي-اق پايدالانۋعا تىيىم سالىنعان تۇرلەرىمەن, ولاردىڭ بولىكتەرىمەن نەمەسە دەريۆاتتارىمەن زاڭسىز اينالىسۋ) بويىنشا سوتقا دەيىنگى تەرگەۋ باستالدى.