بۇل كۇندەرى پولشانىڭ كەلتسە قالاسىندا بوكستان جاستار اراسىنداعى الەم چەمپيوناتى ءوتىپ جاتىر. جارىستىڭ العاشقى كۇنىندە شارشى الاڭعا شىققان جەرلەسىمىز ەربولات سابىر بىرىنشىلىكتى ءساتتى باستادى.
56 كيلوعا دەيىنگى سالماقتا جۇدىرىقتاساتىن قانداسىمىز العاشقى اينالىمدا ماجارستاندىق بوكسشى گەرگو جارازبەن قولعاپ ءتۇيىستىرىپ, 5:0 (30:25, 30:25, 30:24, 30:27, 30:25) ەسەبىمەن جەڭىسكە جەتتى. ءبىر ايتا كەتەرلىگى, ە.سابىر قارسىلاسىن ءبىرىنشى جانە ءۇشىنشى راۋندتاردا نوكداۋنعا جىبەردى. ەندى جەرلەسىمىز 1/8 فينالدا لاتۆيالىق بوكسشى ماتۆەي پروكۋدينمەن شارشى الاڭعا شىعادى.
ايتا كەتەيىك, پولشاداعى بوكستان جاستار اراسىنداعى الەم چەمپيوناتىندا قازاقستان قۇراماسىنان 20 بوكسشى (10 ەر, 10 قىز) ونەر كورسەتۋدە. جاھان بىرىنشىلىگى 23 ساۋىردە ءوز مارەسىنە جەتەدى.