«وتباسى» بانكىنىڭ باسشىسى ءلاززات يبراگيموۆا پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن بريفينگ بارىسىندا زەينەتاقى جيناقتارى بويىنشا ءۇي ساتىپ الۋ وپەراتسيالارى ەكىنشى جارتىجىلدىقتا جىلجىمايتىن م ۇلىك نارىعىنا اسەر ەتۋىن توقتاتاتىنىن, بجزق شوتتارىنان الىناتىن سومالار 1-2 ميلليون تەڭگەگە دەيىن ازاياتىنىن ايتتى», دەپ جازادى Egemen.kz .
ءلاززات يبراگيموۆا ناقتىلاپ وتكەندەي, مامىر ايىنىڭ اياعىندا, ماۋسىم ايىنىڭ باسىندا, جيناقتاۋشى زەينەتاقى قاراجاتىن پايدالاناتىن وپەراتسيالاردىڭ جىلجىمايتىن م ۇلىك نارىعىنا ءابسوليۋتتى اسەرى تەڭەستىرىلەدى. قازىر كۇنىنە 2500-گە جۋىق ءوتىنىش كەلىپ تۇسەدى, وندا كورسەتىلگەن سومالار ايتارلىقتاي تومەندەپتى. ەگەر قاڭتار-اقپان ايلارىندا بۇل 15 ميلليون جانە ودان كوپ سومانى قۇراسا, قازىر تاپسىرىس مولشەرى ورتاشا ەسەپپەن 1-2 ميلليون تەڭگەنى قۇرايدى.
«مۇنداي رەسۋرستاردىڭ كومەگىمەن وبلىس ورتالىقتارىندا, الماتىدا, نۇر-سۇلتاندا تۇرعىن ءۇي باعاسىنا اسەر ەتۋ مۇمكىن ەمەس», دەدى ءلاززات يبراگيموۆا.
«وتباسى بانكى» جۇرگىزگەن ستاتيستيكالىق مالىمەتتەرگە سايكەس, بجزق-دان تۇرعىن ءۇيدى تىكەلەي ساتىپ الۋ ءۇشىن الىنعان جيناقتىڭ 50% -ى قايتالاما نارىقتا مامىلەلەر جاساۋعا پايدالانىلعان. وسى قاراجاتقا كوپتەگەن يپوتەكالىق وپەراتسيالار جاسالادى دەگەن بولجامدار بولعانىمەن, بانككە كەلىپ تۇسكەن 100 مىڭنان استام وتىنىشتەردىڭ ىشىنەن تەك 4 مىڭ ادام يپوتەكا الۋعا ءوتىنىش بىلدىرگەن.
«باسقا بانكتەر دە وسىنداي. ءوتىنىش بەرۋشىلەردىڭ جالپى كولەمى 10 مىڭ وتىنىمنەن اسپادى. سوندىقتان ەكىنشى جارتىجىلدىقتا زەينەتاقى جيناقتارىن پايدالانۋعا بايلانىستى تولقۋلار باسىلادى. قازىر كوپشىلىك «وتباسى بانكىنە» بجزق-داعى جيناق اقشانى اي سايىنعى نەسيەنى تولەۋگە جانە اقشانى ەسەپتىك كورسەتكىشكە دەپوزيت قۇرۋعا اۋدارۋعا پايدالانۋ تۋرالى وتىنىشپەن جۇگىنەدى», دەپ قوستى ءلاززات يبراگيموۆا.