ليتۆانىڭ كلايپەدە قالاسىنداعى ەمحانادا 78 جاستاعى زەينەتكەر Moderna ۆاكتسيناسىنىڭ ەكىنشى دوزاسىن قابىلداعاننان سوڭ قايتىس بولدى, دەپ حابارلايدى Egemen.kz ليتۆا راديوسىنا سىلتەمە جاساپ.
«الدىن الا مالىمەتتەر بويىنشا 78 جاستاعى ەر ادامنىڭ ءولىمى ۆاكتسينامەن بايلانىستى ەمەس, ءبىز مۇنى ەگجەي-تەگجەيلى تەكسەرەتىن بولامىز», دەيدى اۋرۋحانانىڭ باس دارىگەرى لورەتا ۆەنسكيە.
دارىگەردىڭ ايتۋىنشا, قارياعا ۆاكتسينا ەگىلگەننەن كەيىن ءوزىن جاقسى سەزىنگەن, الايدا ءبىراز ۋاقىت وتە كەلە, السىزدىك پايدا بولعان. وكىنىشكە قاراي, جەدەل جاردەم كەلگەنىمەن, ونى قۇتقارا الماعان.
ء«بىز ءولىمنىڭ ناقتى سەبەبىن انىقتاي الماي وتىرمىز, تەرگەۋدىڭ قورىتىندىسىن كۇتەمىز. بىراق بۇل ۆاكتسينامەن بايلانىستى ەمەس دەپ ويلايمىن. ويتكەنى قانداي دا ءبىر ناقتى بەلگىلەر جوق. ترومبوەمبوليا دا انافيلاكتيكالىق رەاكتسيا دا جوق», دەدى دارىگەر.
ول ناۋقاستىڭ امبۋلاتوريالىق كارتاعا سايكەس بىرنەشە جىل بويى دارىگەردىڭ باقىلاۋىندا بولعانىمەن, اۋىر دياگنوزى جوق ەكەنىن ايتتى.
ليتۆادا 27 جەلتوقساننان باستاپ COVID-19-عا قارسى جاپپاي ۆاكتسينالاۋ باستالدى. ۆاكتسينالاۋدان كەيىن 8 ادام كوز جۇمدى. بىراق مەملەكەتتىك ءدارى-دارمەكتەردى باقىلاۋ اگەنتتىگىنىڭ حابارلاۋىنشا, ولار ەكپەدەن ەمەس, ناۋقاستاردىڭ جاسىمەن جانە ءتۇرلى سوزىلمالى اۋرۋلارىمەن بايلانىستى دەپ وتىر.
گاۋحار قاپاش