ەكىباستۇز قالاسىنىڭ ىرگەسىندە ورنالاسقان «ماينينگ» فەرماسىنان ءورت شىقتى. بۇگىندە ءورتتىڭ شىعۋ سەبەپتەرى مەن كەلتىرىلگەن شىعىن كولەمى انىقتالىپ جاتىر, دەپ حابارلايدى Egemen.kz
«سولنەچنىي» كەنتىنە قاراستى «BTC-KZ»-تە ءورت شىققانى تۋرالى حابارلاما ساعات 15:01-دە ءتۇستى. «ماينينگ» فەرماسى اۋماعىندا ماينينگ پەن قابىرعالاردى قاپتاۋعا ارنالعان جابدىقتار جانعان. جالپى اۋدانى 150 شارشى مەتردى ءورت شارپىدى», دەيدى وبلىستىق تجد ءباسپاسوز قىزمەتىنىڭ وكىلى.
وقيعا ورنىندا 14 ادام مەن 3 تەحنيكا جۇمىلدىرىلعان. ازىرگە زارداپ شەككەندەر جوق. قىزىل جالىن تەك 17.37-دە اۋىزدىقتالعان.
ەسكە سالا كەتەيىك, «سولنەچنىي» كەنتىندە ورنالاسقان «BTC-KZ» جشس بۇلتتى ماينينگ قىزمەتىن الەم بويىنشا ءۇش مىڭعا جۋىق تۇتىنۋشىعا قىزمەت كورسەتەدى.
گاۋحار قاپاش