الماتى قوعامدىق دەنساۋلىق ساقتاۋ باسقارماسى جەدەل جاردەم قىزمەتىندەگى قۇقىق قورعاۋ ورگاندارىنىڭ تەكسەرۋىنە قاتىستى ءىستىڭ ءمان-جايىن ايتتى, دەپ حابارلايدى Egemen.kz قازاقپاراتقا سىلتەمە جاساپ.
ۆەدومستۆونىڭ ءباسپاسوز قىزمەتى جەدەل جاردەم ستانتسياسى اكىمشىلىگىنىڭ ءوتىنىشى بويىنشا قۇقىق قورعاۋ ورگاندارى تەكسەرۋ جۇرگىزگەنىن ءمالىم ەتتى.
«جوسپاردان تىس تۇگەندەۋ بارىسىندا قوسالقى ستانتسيالاردا ءدارى-دارمەكتەر مەن مەديتسينالىق بۇيىمداردىڭ جەتىسپەۋشىلىگى جانە نورمادان كوپ ەكەنى انىقتالدى. مىسالى, ماسكا, قورعانىس ەكران, رەزەڭكە ەتىك جانە باسقاسى. ءمان-جايدى وبەكتيۆتى تەكسەرۋ ءۇشىن جەدەل جاردەم ستانتسياسى اكىمشىلىگى اقپاراتتى ءتيىستى ورگاندارعا جىبەردى. تەكسەرۋ جانە تەرگەۋ ناتيجەلەرى بويىنشا شارالار قابىلدانادى», دەپ حابارلادى ۆەدومستۆادان.
سونىمەن قاتار, جەدەل جاردەم ستانتسياسىندا قىزمەتكەرلەرگە جالاقى تولەۋ بويىنشا كەشىگۋلەر جوق ەكەنى ايتىلدى.
ايتا كەتەيىك, الماتى قوعامدىق دەنساۋلىق ساقتاۋ باسقارماسىنىڭ وكىلى سۆەتلانا سۇلتانعازيەۆا ونلاين بريفينگتە پروكۋراتۋرا جەدەل جاردەم جۇمىسىنداعى زاڭبۇزۋشىلىقتارعا بايلانىستى ءىستى تەرگەپ جاتقانىن ايتقان ەدى.