پاۆلوداردىڭ الەۋمەتتىك-ۆولونتەرلىق ورتالىعى №43 ورتا مەكتەپتە “ىزگىلىك ساباعى” اكتسياسىن ۇيىمداستىردى. بۇل شارا “ىزگىلىكتى پاۆلودار” قايىرىمدىلىق فەستيۆالىنىڭ زاڭدى جالعاسى ىسپەتتى بولدى. اكتسياعا “دەسەنتا” قوعامدىق ۇيىمى باستاماشىلىق تانىتسا, ول ءوتكەن اقپان ايىندا “سىيلىققا ارمان”, “مەنىڭ سۇيىكتى اۋلام”, “ساتىپ الدىڭ — بەر” شارالارىن دا ءوتكىزگەن بولاتىن. سول جولى پاۆلودارلىقتارعا قايىرىمدىلىق تانىتۋعا مۇمكىندىك بەرىلىپ, تالانتتى بالالارعا, مۇمكىندىكتەرى شەكتەۋلى بۇلدىرشىندەرگە, ءۇيسىز جاندارعا قايىرىمدىلىق كورسەتىلگەن ەدى. ياعني, وبلىس ورتالىعىنىڭ تۇرعىندارىنا مۇقتاج ادامدارعا جاقسىلىق جاساۋ ءۇشىن ۇندەۋ تاستالعان-تىن. ال “ىزگىلىك ساباعىنىڭ” بۇل جولعى شاراسى ءسال باسقا باعىتتا ءجۇردى.
– تەلەديداردان ءبىز تەمىرتاۋ جاستارىنىڭ اۋلالارداعى سپورت الاڭدارىن قالپىنا كەلتىرىپ جاتقاندارى تۋرالى سيۋجەت كورىپ قالدىق. ءسويتىپ, تەمىرتاۋلىقتاردىڭ باستامالارىن ءىلىپ اكەتۋ ءجون دەپ شەشتىك. بالالاردىڭ, ەرەسەكتەردىڭ ءبىر جاعادان باس, ءبىر جەڭنەن قول شىعارىپ ۇندەسىپ, ىزگىلىكتى ىسكە دەن قويعاندارى قانداي عانيبەت, – دەيدى الەۋمەتتىك-ۆولونتەرلىق ورتالىق جوبالارىنىڭ ۇيلەستىرۋشىسى سۆەتلانا گلادىشەۆا.
پاۆلوداردىڭ №43 ورتا مەكتەبىندە باستاۋ العان شارانى باسقا ءبىلىم وردالارى جالعاستىرىپ اكەتپەك. ويتكەنى, وبلىس ورتالىعىنداعى ءار مەكتەپتە ۆولونتەرلار مەن ەرىكتىلەر جاساقتارى بار. ولار تومەنگى سىنىپتارعا كەلىپ, وسىنداي “ىزگىلىك ساباقتارىن” وتكىزەدى. بۇل شارالاردىڭ ەرەكشەلىگى سوندا, ساباقتارعا پەداگوگتارمەن قاتار, اتا-انالار مەن جاستار قاتىسادى. ءبارىمىز بىرلەسىپ مۇددەلەستىك تانىتقاندا عانا ىزگىلىكتى ىستەر وتە قاجەت ەكەنىن كورسەتە الامىز.
فاريدا بىقاي.
پاۆلودار.
سەنات دەپۋتاتى سايلاندى
قوستاناي وبلىسىنان شىعىپ قالعاننىڭ ورنىنا پارلامەنت سەناتىنىڭ دەپۋتاتىن سايلاۋ بولىپ ءوتتى.
وتكەن جىلدىڭ 11 جەلتوقسانىندا سەناتتىڭ قاۋلىسى قابىلدانىپ, سوعان وراي كونستيتۋتسياعا سايكەس, باسقا جۇمىسقا اۋىسۋىنا بايلانىستى سەنات دەپۋتاتى ەۆگەني يوسيفوۆيچ اماننىڭ وكىلەتتىگى توقتاتىلعان بولاتىن. وبلىستىق سايلاۋ كوميسسياسى قوستاناي وبلىسىنان پارلامەنت سەناتىنىڭ دەپۋتاتتىعىنا ۇمىتكەرلەر اسقار ارون ۇلى مۇراتوۆ پەن جەڭىس ميراس ۇلى نۇرعاليەۆتى تىركەگەن ەدى.
تاڭداۋشىلاردىڭ بىرلەسكەن وتىرىسىندا كوپشىلىك داۋىسپەن جەڭىس ميراس ۇلى نۇرعاليەۆ سەنات دەپۋتاتتىعىنا ءوتتى. ول بۇعان دەيىن قوستاناي وبلىسى اكىمىنىڭ ورىنباسارى بولىپ قىزمەت ىستەدى.
ءنازيرا جارىمبەتوۆا.
قوستاناي.
بالا كۇتۋشى دە — ماماندىق
ەلباسى تاپسىرماسىمەن وتكەن جىلدان باستاپ قولعا الىنعان “جول كارتاسى” باعدارلاماسى كوپتەگەن مۇمكىندىكتەرگە جول اشىپ بەردى. سونىڭ ءبىرى – جۇمىسسىز وتىرعان ادامدارعا ماماندىق بەرىپ, ەڭبەككە ورنالاستىرۋ.
قازىرگى كەزدە ورال قالاسىنداعى ج.دوسمۇحامەدوۆ اتىنداعى پەدكوللەدجدە “جول كارتاسىنا” سايكەس بالا كۇتۋشىلەر مەن تاربيەشىلەر دايارلانۋدا.
— ارينە, قاي ماماندىقتىڭ دا ءوز ورنى بار. دەگەنمەن تەحنيكالىق, پەداگوگيكالىق ماماندىقتارمەن قاتار ومىرگە قاجەتتى باسقا دا كاسىپ تۇرلەرىن ۇمىتۋعا بولمايدى. ماسەلەن, كادىمگى بالا كۇتۋشىلىك كوپ ەلەنە بەرمەۋى مۇمكىن. ءبىز قازىرگى تاڭدا بۇل ماماندىقتىڭ دا اسا قاجەت ەكەندىگىن تۇسىندىردىك. وسى باستامامىز ءبىلىم جانە عىلىم مينيسترلىگى تاراپىنان قولداۋ تاۋىپ, مەملەكەتتىك ستاندارتقا ەنگىزىلدى, — دەدى گازەت تىلشىسىنە كوللەدج ديرەكتورى, پەداگوگيكا عىلىمدارىنىڭ دوكتورى, ورال قالالىق ءماسليحاتىنىڭ دەپۋتاتى شالقىما قۇرمانالينا. – بيىل بالا كۇتۋشىلەر مەن تاربيەشىلەر جيىرما ادامنان ەكى توپتا وقىتىلۋدا. جۇمىسپەن قامتۋ ورگاندارى ارقىلى جولدامامەن كەلگەندەر ءۇش ايلىق كۋرس كەزىندە اي سايىن 7500 تەڭگەدەن شاكىرتاقى الادى. اسىرەسە, قازاقستان بويىنشا ءبىرىنشى رەت قولعا الىنعان بالا كۇتۋشىلىككە وقۋعا قالا مەن اۋدانداردان تىلەك ءبىلدىرۋشىلەر كوپ بولىپ وتىر. قازىردىڭ وزىندە 25 ادام ەكىنشى كەزەككە جازىلدى. كوللەدجدە ارنايى وقۋ باعدارلاماسى جاسالىپ, كۋرس تىڭداۋشىلارى سول بويىنشا ءبىلىم الۋدا. بالا كۇتۋشىلەر مەن ءتاربيەشىلەر وقۋىن بىتىرگەننەن كەيىن كەلگەن جەرلەرىنە بارىپ, مەكتەپكە دەيىنگى بالالار مەكەمەلەرىنە ورنالاسادى. كوللەدجدە بيىل وسى ەكى ماماندىق بويىنشا 60 ادام وقىپ شىقپاق. بۇل ماقساتقا 5,838 ملن. تەڭگە ءبولىنىپ وتىر.
جالپى, اتالمىش پەدكوللەدجدە “جول كارتاسى” بويىنشا دا ماماندار دايارلاۋ جولعا قويىلىپ, تاجىريبە جيناقتالعان. ايتالىق, وتكەن جىلى ەەم وپەراتورلارى مەن حاتشى-رەفەرەنتتەر وقىپ شىقتى. قازىرگىدەي كەزەڭدە ادامدار وزدەرىنە قاجەتتى ماماندىق الىپ, جۇمىس تاۋىپ جاتسا, مۇنىڭ كىم-كىم ءۇشىن دە پايدالى ەكەندىگى انىق. “جول كارتاسىندا” العا قويىلعان ماقساتتىڭ ءبىرى دە وسى.
تەمىر قۇسايىن.
باتىس قازاقستان وبلىسى.
جول مەن جولاۋشى ماسەلەسى باستى نازاردا
كۇن تارتىبىنەن جول مەن جولاۋشى ماسەلەسى استە تۇسكەن ەمەس. قازىرگى كەزدە ىشكى تاسىمالداۋداعى اۆتوكولىك قۇرالدارىنىڭ جيىلىگى شەكارالىق تاسىمالداۋعا قاراعاندا 9 ەسەگە ارتقانىن كورسەتەدى. وڭىردە تۇراقتى جۇمىس ىستەيتىن ءبىر عانا كولىكتىك باقىلاۋ مەكەمەسى بار ەكەنىن ەسكەرسەك, ول ۇزىندىعى 6953 شاقىرىمدىق جەرگىلىكتى پايدالانىمداعى جانە ۇزىندىعى 2664 شاقىرىمدىق رەسپۋبليكالىق ماڭىزى بار اۆتوجولمەن جۇرەتىن اۆتوكولىك قۇرالدارىن باقىلايدى. وسى جولداردى پايدالانعان جۇرگىزۋشىلەر تاسىمالداۋ بارىسىنداعى كولىك سالاسى زاڭدارىن بۇزىپ, قاۋىپسىزدىك شارالارىن كوبىنە ۇمىت قالدىراتىنى ايتپاسا دا ءتۇسىنىكتى. وسىنىڭ اسەرىنەن سالماقتىق, تاعى باسقا ولشەم بىرلىكتەرىنىڭ رۇقسات ەتىلگەن كولەمى ساقتالماعاندىقتان, جول ىستەن شىعىپ, ءجيى قوسىمشا جوندەۋدى تالاپ ەتەدى.
قازىرگى كەزدە وڭىردەگى الماتى-سارىوزەك-تالدىقورعان-ءۇشارال-دوستىق, الماتى-شونجى-اقساي-قالجات-ۇزىناعاش-وتار باعىتتارىندا ءۇش اۋىسىمدا كولىك باقىلاۋىن جۇزەگە اسىراتىن كوشپەلى بەكەت جۇمىس ىستەۋدە. دەي تۇرساق تا, كوكتەمگى جانە جازعى كەزەڭدەردە جۇك كولىكتەرىنىڭ سالماقتىق ولشەم بىرلىكتەرىن ساقتاماۋىنان جول توسەمدەرىنىڭ مەزگىلسىز بۇزىلۋىنا اكەلىپ سوعۋدا. وسىنىڭ سالدارىنان جولاۋشى مەن جۇك تاسىمالداۋ قاۋىپسىزدىگىن قامتاماسىز ەتۋ ماقساتىندا سوڭعى بەس جىلدا رەسپۋبليكالىق اۆتوجولداردى جوندەۋگە بيۋدجەتتەن 560 ملرد. تەڭگە ءبولىنىپ, جولدار رەتكە كەلتىرىلگەنىن كورەمىز.
كۇمىسجان بايجان.
الماتى وبلىسى.