فۋتبول جانكۇيەرلەرى اسىعا كۇتكەن كەزەكتى ەل-كلاسيكو باسەكەسى «رەالدىڭ» جەڭىسىمەن اياقتالدى.
يسپانيا چەمپيوناتىنىڭ 31-تۋر ويىندارىنىڭ ورتالىق ماتچى مادريدتە ءوتتى. «رەال» ءوز الاڭىندا «بارسەلونا» كلۋبىن قابىلداپ, 2:1 ەسەبىمەن باسىم ءتۇستى. وسىلايشا كورولدىك كلۋب كاتالونيا كومانداسىن جەڭىپ قانا قويماي, 19 ماتچقا سوزىلعان جەڭىلىسسىز سەرياسىنا دا نۇكتە قويدى. بەنزەما مەن كرووستىڭ گولىنا «بارسەلونادان» مينگەسا ءبىر گولمەن جاۋاپ قاتتى.
بۇل جەڭىسىنەن كەيىن «رەال» يسپانيا چەمپيوناتىندا 66 ۇپاي جيناپ, تۋرنير كەستەسىندە كوش باستادى. ال بۇعان دەيىن توپ باستاپ تۇرعان ءمادريدتىڭ تاعى ءبىر كلۋبى – «اتلەتيكو» «رەالمەن» بىردەي ۇپاي ەنشىلەسە دە, جەكە كورسەتكىشى بويىنشا ەكىنشى ورىنعا سىرعىدى. ءمادريدتىڭ ەكى ۇجىمىنان ءبىر ۇپايعا قالىپ كەلە جاتقان «بارسەلونا» ءۇشىنشى ساتىعا تۇراقتادى.