پرەزيدەنتتىڭ ءباسپاسوز حاتشىسى بەرىك ءۋالي Facebook پاراقشاسىندا مەملەكەت باسشىسى قاسىم-جومارت توقاەۆ پەن رف سىرتقى ىستەر ءمينيسترى سەرگەي لاۆروۆتىڭ اقورداداعى كەزدەسۋىنەن ۆيدەو جاريالادى, دەپ حابارلايدى Egemen.kz.
مەملەكەت باسشىسى رەسەيدىڭ سىرتقى ىستەر ءمينيسترىن قابىلداۋ كەزىندە حالىقتى جاپپاي ۆاكتسينالاۋدى جەدەلدەتۋ ءۇشىن بىرىنشىدەن, نارىققا ۆاكتسينانى ءتيىستى مولشەردە جەتكىزۋ كەرەك ەكەنىن, ەكىنشىدەن, حالىققا ەكپە سالدىرۋدىڭ ماڭىزدىلىعىن ءتۇسىندىرۋ جۇمىستارىن جۇرگىزۋ قاجەتتىگىن ايتتى.
«قازىر جۇرتتىڭ كوپشىلىگى بۇل شارانىڭ ماڭىزدىلىعىن تولىق تۇسىنبەي جاتىر. ارينە, ءبىز ۆاكتسينانى تەگىن سالامىز. سوندىقتان مەن ءوزىم دە ۆاكتسينا ەگۋدەن باسقا جول جوق ەكەنىن ۇنەمى ايتىپ كەلەمىن», دەدى قاسىم-جومارت توقاەۆ.