ەندى تۋريزم سالاسىندا جۇمىس ىستەيتىن كاسىپكەرلەردى مەملەكەتتىك قولداۋ زاڭ اياسىندا ىسكە اسىرىلادى, دەپ حابارلايدى Egemen.kz سەناتتىڭ ءباسپاسوز قىزمەتىنە سىلتەمە جاساپ.
كۇنى كەشە سەناتورلار قابىلداعان زاڭعا سايكەس بۇدان بىلاي مەملەكەت تۋريستىك الەۋەتى جوعارى اۋماقتاردا نىسان سالعان كاسىپكەرلەر ءۇشىن ينۆەستيتسيالىق جەڭىلدىكتەر قاراستىرۋعا مىندەتتى. ونداي ارنايى ايماقتاردىڭ ءتىزىمى جەكە بەكىتىلەدى. ال, كاسىپكەردىڭ قۇرىلىسقا سالعان ينۆەستيتسياسىنىڭ كولەمى 200000 ەسەلەنگەن اەك مولشەرىنەن اسۋى كەرەك. سونداي-اق, مەملەكەت جول بويىندا قىزمەت كورسەتۋ سالاسىنداعى شىعىننىڭ ءبىر بولىگىن وتەۋدى جانە تۋروپەراتورلاردىڭ شىعىستارىن سۋبسيديالاۋدى دا ءوز موينىنا الادى.
«ەلىمىزدە تۋريزم سالاسىن دامىتۋ ماڭىزدى ماقساتتاردىڭ ءبىرى. بۇگىن قابىلدانعان زاڭ وسى باعىتتا كەشەندى زاڭنامالىق نەگىز قالىپتاستىرادى. سوعان سايكەس قارجىلاي قولداۋ تەتىكتەرىنىڭ دە اۋقىمى كەڭەيدى. ولاردىڭ قاتارىندا ينۆەستيتسيالىق جەڭىلدىكتەر, تۋريستىك قىزمەتتى ىنتالاندىرۋ, سىرتتان تۋريستەر اكەلەتىن تۋروپەراتورلاردىڭ شىعىندارىن سۋبسيديالاۋ سياقتى باسىمدىقتار بار», دەدى سەنات توراعاسى ماۋلەن اشىمباەۆ.
ايتا كەتەيىك, مۇنداي جاڭا نورمالار بۇگىن سەنات وتىرىسىندا قابىلدانعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە تۋريستىك قىزمەت ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدا جازىلعان.