تۇركىستان وبلىسىندا جول-كولىك وقيعاسىنان ءۇش ادام قايتىس بولدى, دەپ حابارلايدى Egemen.kz Polisia.kz سايتىنا سىلتەمە جاساپ.
3 ءساۋىر ساعات 20:30 شاماسىندا سامارا-شىمكەنت تاس جولى بويىندا شىمكەنتتىك تۇرعىن ءوزىنىڭ Tayota Camry 50 ماركالى كولىگىمەن تۇركىستاننان شىمكەنت باعىتىنا قاراي كەلە جاتىپ, جولدىڭ سول جاق بەتىنەن شىققان جىلقىنى قاعىپ كەتەدى.
جول-كولىك وقيعاسى سالدارىنان ءۇش ادام وقيعا ورنىندا قايتىس بولعان. ونىڭ ىشىندە ەكەۋى ەرلى-زايىپتىلار جانە بىرەۋى ءجاسوسپىرىم. كولىكتىڭ جۇرگىزۋشىسى العان دەنە جاراقاتىنان شىمكەنت قالالىق اۋرۋحاناسىنىڭ جانساقتاۋ بولىمىنە تۇسكەن. ول قازا بولعان ەرلى-زايىپتىلاردىڭ كۇيەۋ بالاسى.
اتالعان جايت ورداباسى اپب-مەن قر قك -ءنىڭ 345-بابىمەن تىركەۋگە الىنىپ, سوتقا دەيىنگى تەرگەۋ امالدارى جۇرگىزىلۋدە.